IMAMAT 21:22 - Alkitab Singog In Mongondow Masa In Tanaa

²² Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 21:22 ပူးပေါင်းရင်းမြစ်များ

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 14:13

Ki adí in domba tatua musti ratáannea kon tampat inta ain sinantú poratáan kon mahaḷuk inta pakéon pokuruban potobut kon dosa bo kuruban inta tubáan. Domba tatua musti ratáan kon tua sin kuruban toḻiu in karugian bo kuruban potobut kon dosa tua in totokbí in motusi bo nobaḻí silai i imang.

IMAMAT 2:10

Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 21:23

Popisí in intau tatua nobogit in awaknea, dá sia diá motaau dimiug kon toḻipoi inta nopoyotondí in Yuang Motusi ande mezbah. Sia diábí motaau moponajis in barang mita inta ain sinondí kon i-Nakó, sin Akuoi in ki Tuhan, bo Akuoi in nonondí kon barang mita tatua.”

IMAMAT 22:25

Biag inta nouḻí nongkon intau ango-angoi diábí motaau posumba mobaḻí kuruban kaanon. Mahaḷuk tatua inanggap nobogit bo diábí motaau tarimaan.

IMAMAT 22:7

Naonda mata in singgai tumoyop bo sia nondaritdon bain tua sia motaaudon mokaan kon tua, sin tuabí in kaanonnea.

IMAMAT 27:28

Diá tobatúmai in motaau mopotaḷui ande motobut kon onu inta ain sinondínea takin diá in sarat kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi.

IMAMAT 6:10

Naonda in kuruban tatua mobaḻí ḷobud, ki imang mogisoḷanádon in soḷana mopoḷok bo jubah inta nongkon kaeng linen, mustinea gamáan in ḷobud inta noyobauk in ḷongó tatua kon tudu in mezbah bo ukatonnea kon símai in mezbah.

IMAMAT 6:29

Bayongan ḷoḷaki kon bonu in baḷoi imang motaaubí mokaan kon kaanon intau pinokuruban bo inta totok in motusi tatua.

IMAMAT 7:1

Naa in atorang mita pogogaid kon kuruban toḻiu in karugian. Kuruban tatua totok in motusi.

IMAMAT 7:6

Bayongan intau ḷoḷaki kon bonu in baḷoi imang mita motaaubí mokaan kon ponoyá inta pinokuruban tatua, táe tua musti kaanon monia kon tampat inta ain sinantú, sin kuruban tatua motusi totok.

PINOGIAPAN 18:19

Bayongan sosumba inta ain sinondí in intau mita in Israel kon i-Nakó, in umuran-Kubí ogoi kon inimu bo kon i adímu mita ḷoḷaki bo bobay. Atorang tanaa umuranbí pakéon modapot kon adí mita bain ompu bo mobaḻí togot in dodandian inta diá motaau inggamáan kon sigad-Ku bo kon inimu takin buímu.”

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.