IMAMAT 20:5 - Alkitab Singog In Mongondow Masa In Tanaa

⁵ dá Akuoidon tontaní in mohukum kon inia, bayongan tombonu in baḷoinea, takin bayongan intau inta noyotakinnea nonaḷámai kon i-Nakó bo minayá nosumba kon i Molokh. Mosia in diá bidon iapon-Ku anggota in umat-Ku.

IMAMAT 20:5 ပူးပေါင်းရင်းမြစ်များ

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YEREMIA 3:2

Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEREMIA 44:11

Tuamai, Akuoi, ki Tuhan Inta Totok in mokawasa, Allah in Israel, moḷawangbí kon i monimu bo morimumud kon sinangkub in Yohuda.

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

HOSEA 2:5

Ki inámu in sundaḷ diá kotoguoyá. Sia in noguman, ‘Akuoi in mayábí kon inta kinotabiku mita inta nobogoi kon inakó in kaanon bo inumon, wol bo kaeng linen, ḷana in zaitun bo anggur.’

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

IMAMAT 20:4

Aka intau mita tongá mopomayá mako in dodia in intau natua bo diá mopoḷabú in hukuman matoi kon inia,

IMAMAT 20:6

Intau inta mayá moigum kon tonggina kon boḻian inta mogoinímai kon dimukud in intau inta ain minatoi in hukumon-Kubí bo diádon iapon-Ku anggota in umat-Ku.