IMAMAT 20:20 - Alkitab Singog In Mongondow Masa In Tanaa

²⁰ Aka ḷoḷaki tobatú moniug kon i buḷoi pokuamáannea, yo sia in nokopoompámaidon kon pokuamáannea. Ḷoḷaki bo bobay tatua musti motanggung kon hukuman kon i monia, dapot in matoi mosia tua diá mokouḻí kon adí.

IMAMAT 20:20 ပူးပေါင်းရင်းမြစ်များ

AYUB 18:19

Adí bo buí diá bidon kon inia; kon ḻipúnea diá bidon tobatúmai in kiagatnea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”

IMAMAT 18:14

Dika siuganmu in ki buḷoi in pokuamáanmu, sin sia in pokuináanmubí doman.

IMAMAT 20:21

Aka ḷoḷaki tobatú mogagow kon buḷoi i utatnea, yo sia tua in nokopoompámai kon i utatnea bo ain nomia kon oaid inta moraat tatua. Dapot in matoi mosia tua diá mokouḻí kon adí.”

LUKAS 1:25

Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’