IMAMAT 20:17 - Alkitab Singog In Mongondow Masa In Tanaa

¹⁷ Aka ḷoḷaki tobatú mosiug takin i bobaynea ande takin ki bobaynea inta toamáan táe noyoposi kon iná ande toináan táe noyoposi kon amá, dá mosia tua in diádon iapon umat-Ku. Mosia aindon nomia kon oaid inta moraat totok bo musti motarima kon bungai in oaidnea.

IMAMAT 20:17 ပူးပေါင်းရင်းမြစ်များ

KINOBAḺIAN 20:12

Bo totuubí kon sia tua in ki ai-aikubí. Kami in toamáan, táe noyoposi kon iná, bo kami in notonibuḷoi.

SAMUEL 2 13:12

“Ah, dika, guya-guyang!” tubag in mongodeaga tatua. “Dika pakisaanmu in akuoi momia kon inta mokooyá totok tatua! Aid natua in diábí kon dodai in onda in inaidan kon Israel.

IḶUAIAN 30:33

Intau inta momia kon ḷana ná tatua, ande pakéon kon intau inta deeman imang, yo sia tua in diá bidon poyoiapon umat-Ku.”

YEHEZKIEL 22:11

takin i buḷoi bobay intau andeka i mototakanea andeka i ai-ainea inta diá nogaḷum kon iná.

IMAMAT 18:9

Dika siuganmu in ki utatmu bobay ande ki utatmu uatok, pinomayá inta pinoyobiag takinmu ande inta diá pinoyobiag takinmu.

IMAMAT 20:16

Aka bobay tobatú mokipaké kon mahaḷuk, dá bobay bo mahaḷuk tatua musti ḻimodon. Mosia matoi popisí in oaid monia tontaní.

PINOGIAPAN 5:31

Ḷoḷaki tatua moiḷuat nongkon taḷá, táe ki buḷoinea, aka moniata kon kotaḷá, yo musti mobaba kon bungai in aidnea.

ULANGAN 27:22

‘Kinutuk in intau inta nosiug takin i utatnea totok bobay, ande ki utatnea inta toamáan ande toinaan.’ ‘Amin!’