IMAMAT 20:14 - Alkitab Singog In Mongondow Masa In Tanaa

¹⁴ Aka ḷoḷaki tobatú mobuḷoi kon bobay tobatú takin ki iná in bobay tatua, dá taya toḷu tua in musti turubon dapot in matoi, popisí in mosia nomia kon oaid inta moraat totok. Oaid ná mita tatua in diábí motaau in aidan kon sigad monimu.

IMAMAT 20:14 ပူးပေါင်းရင်းမြစ်များ

IMAMAT 18:17

Dika siuganmu in adí ande ompu in tobatú bobay inta ain kinotontaḷáanmu. Sin dikabo sia tua in ki adímubí, bo tua in oaidbí inta diá mopia.

IMAMAT 21:9

Aka ki adí bobay in imang mobaḻí sundaḷ, yo sia tua in mopoompámaidon kon i amánea bo musti turubon dapot in matoi.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

ULANGAN 27:23

‘Kinutuk in intau inta nosiugdon takin i guyánea.’ ‘Amin!’

YOSUA 7:15

Bo ki ine inta noniatadon kon ain notagú kon barang inta ilarang tatua dá mustidon tubáan kopayongon moyotakin in motoḷuadínea bo bayongan kapunyaannea; sin siadon tuata inta iḻimimpat kon dodandian bo nomiadon kon moraat moḷoben kon yua-yuak in umat in Israel.”

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.