IMAMAT 20:13 - Alkitab Singog In Mongondow Masa In Tanaa

¹³ Aka intau ḷoḷaki tobatú bo mosiug doman takin ḷoḷaki ibanea tobatú, yo mosia tua ain nomia kon oaid inta moraat bo mokooyá, dá taya dua tua musti hukumon matoi. Mosia in minatoi sin pinopisí in taḷá monia tontaní.

IMAMAT 20:13 ပူးပေါင်းရင်းမြစ်များ

KINOBAḺIAN 19:5

Mosia in nokuuk kon i Lot, bo poḷat noḻibó, “Kon onda in intau mita inta namangoi mosiug kon baḷoimu? Diadon poḷuai mangoi in mosia nion, bá aidanmai nami!”

IMAMAT 18:22

Ḷoḷaki diábí motaau in mososiugan takin doman ḷoḷaki; kinodoíbí i Allah in oaid natua.

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

ULANGAN 23:17

Intau Israel tobatú pinomayá ḷoḷaki ande bobay, diábí motaau in mobaḻí sundaḷ kon kuil mita pososumbaan.

ULANGAN 23:18

Ná doman tua in doit inta nouḻí kon pinosundaḷan tatua in diábí motaau in diaan kon Baḷoi i Tuhan Allahmu sin poguboḻi kon dandimu, sin kinodoíbí i Tuhan Allahmu in bobay sundaḷ kon kuil mita pososumbaan bo boḻi in pinosundaḷan.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”