IMAMAT 2:4 - Alkitab Singog In Mongondow Masa In Tanaa

⁴ Aka inta pinosumba tatua bo roti inta sinubá kon bonu in tampat potototubáan, dá roti tatua musti pomiaan diá ragian. Roti tatua motaaubí in mobunod, pomiaan nongkon bahan topong moaḷus takin ḷana zaitun, motaaubí doman in kukis inta tongá iḻepoan in ḷana zaitun.

IMAMAT 2:4 ပူးပေါင်းရင်းမြစ်များ

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

IḶUAIAN 16:31

Kaanon tatua in sinangoian manna pinonangoi in intau Israel. Batangannea in naonda bo batoḷ mita mongointok bo nongobudó, nanamnea in naonda bo kukis inta binauian in biluk.

IḶUAIAN 29:2

Pomiadon nongkon topong torigu inta totok in mopia, roti moḻimbung inta diá iragian. Tosilai in musti aidan roti baukan in ḷana zaitun, tosilai doman in diá baukan in ḷana, bo ki agatnea in pomiaan kukis inta ḻepoan in ḷana.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEHEZKIEL 46:20

bo moguman, “Kon tampat tanaa imang mita musti motuon kon kuruban potobut kon dosa bo kuruban toḻiu in karugian bo motubá kon kuruban gandum, sinbá topiḻikmai nongkon kuruban inta motusi tatua diá diaan kon palas kon ḷuai modapot in mokobodito kon rayat,”

IMAMAT 1:11

Intau tatua musti moratá kon biag tatua kon dotá in utuan mezbah, bo imang mita musti mopobutak in dugúnea kon sí opat in mezbah tatua.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 7:12

Aka kuruban tatua pinosumba takin makusud mopoyaput in sukur, dá poyotakinon in mahaḷuk tatua pokuruban in roti diá iragian. Roti tatua motaaubí inta mobunod nongkon topong pomiaan kukis takin ḷana in zaitun, motaaubí doman in roti noingkag monipit inta iḻepoan in ḷana, ande kukis topong inta pinomia pinoyotakin in ḷana zaitun.

PINOGIAPAN 6:15

Sia musti doman moposumba in roti tokompé inta diá iragian, roti noḻimbung inta pinomia nongkon topong inta binauian in ḷana zaitun, bo kukis monipit inta iḻepoan in ḷana zaitun. Koḻikud intua sia musti doman moposumba in kuruban oḷudon bo kuruban inumon.

MATIUS 26:38

Dá Sia in noguman kon i monia, “Morobonoḷdon totok in dodob-Ku, korasaan nádon onda bo matoi. Kon naapa in moiko bo moḷukad moyotakin-Ku.”

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.