IMAMAT 2:16 - Alkitab Singog In Mongondow Masa In Tanaa

¹⁶ Imang musti motubá kon tongosilai in gandum bo ḷana tatua takin bayongan kamanianea, mobaḻí tompoingat kon tua komintan aindon pinosumbanea kon i Tuhan.

IMAMAT 2:16 ပူးပေါင်းရင်းမြစ်များ

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 2:12

Nongkon bungai in boyó inta ḷontú pomuḷoi in taong, tongosiḷai in musti posumba kon i Tuhan, táe diábí motaau in tubáan kon tudu in mezbah.

IMAMAT 2:14

Aka moiko moposumba kon i Tuhan in gandum inta muna kinoyut monimu, yo diádon in gandum nobagu inta ain dinodok kino aḷus ande inta ain inangag.

IMAMAT 2:15

Gandum tatua in mustibí butakan in ḷana zaitun bo bubudan in kamania kon tudunea.

IMAMAT 2:9

Imang in mogamá kon tosilai nongkon roti tatua bodongka tubáannea kon tudu in mezbah mobaḻí tompoingat kon bayongan tua aindon pinosumba kon i Tuhan. Ronginginea mokosanang kon gina i Tuhan.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.