IMAMAT 2:15 - Alkitab Singog In Mongondow Masa In Tanaa

¹⁵ Gandum tatua in mustibí butakan in ḷana zaitun bo bubudan in kamania kon tudunea.

IMAMAT 2:15 ပူးပေါင်းရင်းမြစ်များ

IḶUAIAN 29:2

Pomiadon nongkon topong torigu inta totok in mopia, roti moḻimbung inta diá iragian. Tosilai in musti aidan roti baukan in ḷana zaitun, tosilai doman in diá baukan in ḷana, bo ki agatnea in pomiaan kukis inta ḻepoan in ḷana.

IḶUAIAN 30:34

Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

IMAMAT 2:1

Aka oyúon intau moposumba in kuruban sosumba kon i Tuhan, yo kuruban tatua in ná tanaa: topong inta totok in mopia inta binutakan in ḷana zaitun bo binubudan in kamania in tudunea.

IMAMAT 2:14

Aka moiko moposumba kon i Tuhan in gandum inta muna kinoyut monimu, yo diádon in gandum nobagu inta ain dinodok kino aḷus ande inta ain inangag.

IMAMAT 2:16

Imang musti motubá kon tongosilai in gandum bo ḷana tatua takin bayongan kamanianea, mobaḻí tompoingat kon tua komintan aindon pinosumbanea kon i Tuhan.

IMAMAT 5:11

Aka intau inta kotaḷá tatua diá mokopooyúon in ḷagapan tarangkuku togapang ande ḷagapan paḷoma mobaḻí kuruban potobut kon dosa, dá sia in musti modia kon topong tokilo. Topong tatua diábí motaau in bauian in ḷana zaitun ande takinan in kamania, sin kuruban tatua in kurubanbí potobut kon dosa deemanbí kuruban oḷudon.

PINOGIAPAN 15:4

Ki ine in moposumba in domba andeka bembé sin baḻíon kuruban payongon kon i Tuhan, yo musti doman modia poyotakinon in batúan in bobiagon tatua in tumongo kilo in topong inta binauian in ḷana zaitun toliter sin pomiaan kuruban inta oḷudon, bo toliter doman in tubig in anggur.