IMAMAT 2:11 - Alkitab Singog In Mongondow Masa In Tanaa

¹¹ Kuruban sosumba inta inogoi kon i Tuhan diábí motaau in bauian biluk ande ragi, sin biluk bo ragi, diábí motaau tubáan sin posumba kon i Tuhan.

IMAMAT 2:11 ပူးပေါင်းရင်းမြစ်များ

IḶUAIAN 23:18

Donaai moposumba in roti inta iragian kon dodai in moiko mopokuruban in bobiagon monimu kon i-Nakó. Ḷongó in biag inta pinokuruban monimu kon i-Nakó kon dodai in porayaan mita tatua diábí motaau in taḷaan modapot in mobangon monik.

IḶUAIAN 29:25

Bo gamádon in roti nongkon i monia bo tubádon kon tudu in mezbah, kon tudu in kuruban inta sinubá tatua. Rongingi in kuruban tatua mokosanang kon gina-Ku.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

AMSAL 24:13

Adíku, pokaandon kon biluk, sin mopiabí intua. Sin naonda bo biluk nongkon ḻipú in pasukan, moromimit in kaanon,

AMSAL 25:16

Dika mokaan kon biluk mobarong; sin angoiandon in rongó in iko.

AMSAL 25:27

Diábí mopia in mokaan kon biluk moiḻiu, natua doman diábí mopia in moiḻiu in pododayow.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 6:10

Naonda in kuruban tatua mobaḻí ḷobud, ki imang mogisoḷanádon in soḷana mopoḷok bo jubah inta nongkon kaeng linen, mustinea gamáan in ḷobud inta noyobauk in ḷongó tatua kon tudu in mezbah bo ukatonnea kon símai in mezbah.

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

GALATIA 5:9

Nanaa kain singog in intau, “Ragi topiḻik nokokutad kon bayongan topong inta pomiaan kukis.”

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.