IMAMAT 2:10 - Alkitab Singog In Mongondow Masa In Tanaa

¹⁰ Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 2:10 ပူးပေါင်းရင်းမြစ်များ

TAWARIKH 2 31:14

Ki Kore ki adí i Yimna, intau in Lewi tobatú inta nobaḻí itoi in moḷoḷukad kon Bonawang Pomukaan kon Baḷoi Tuhan, inogoian in oaidan motarima kon oogoi mita inta pinosumba kon i Tuhan, bodongka mosilai.

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

YEHEZKIEL 44:29

Mosia in mustibí mobiag nongkon sosumba gandum, kuruban potobut kon dosa, bo kuruban toḻiu in karugian; bo bayongan in yagi-yagi inta ain sinantú ogoi kon i-Nakó, in mustibí ogoi kon i monia.

YEHEZKIEL 46:20

bo moguman, “Kon tampat tanaa imang mita musti motuon kon kuruban potobut kon dosa bo kuruban toḻiu in karugian bo motubá kon kuruban gandum, sinbá topiḻikmai nongkon kuruban inta motusi tatua diá diaan kon palas kon ḷuai modapot in mokobodito kon rayat,”

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 14:13

Ki adí in domba tatua musti ratáannea kon tampat inta ain sinantú poratáan kon mahaḷuk inta pakéon pokuruban potobut kon dosa bo kuruban inta tubáan. Domba tatua musti ratáan kon tua sin kuruban toḻiu in karugian bo kuruban potobut kon dosa tua in totokbí in motusi bo nobaḻí silai i imang.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 5:13

Natuata in pogogaid i imang kon moposumba in kuruban mobaḻí tobutan in dosa intau tatua, dá intau tatua in ampungandon i Tuhan. Kiagat in topong tatua in nobaḻídon silai i imang, ná doman kon kuruban gandum.

IMAMAT 6:16

Topong inta ki agatnea musti aidan roti inta diá ragian bo kaanon in imang mita kon tampat inta ain sinantú, inta kon bosí in Ḷoḷaigan Tuhan. Tuata in nobaḻí silai in imang mita inta inogoi i Tuhan kon i monia nongkon kuruban kaanon. Kaanon tatua motusi totok, naonda bo kuruban potobut kon dosa bo kuruban toḻiu in karugian.

IMAMAT 6:23

Bayongan kuruban oḷudon inta posumba in imang musti tubáan kodaiton, bo topiḻikmai diábí motaau in kaanon.

IMAMAT 6:9

mopotaau kon i Harun bo kon i adínea mita in atorang mita tanaa soaḷ kuruban inta daiton tubáan. Ki imang musti mogukat kon kuruban tubáan kon tudu in mezbah bo pomayánea mako kon tua tonggobii tua, bo tuḷúnea in mustibí umuran modokot.

IMAMAT 7:7

Aka kuruban potobutan kon dosa bo kuruban toḻiu in karugian notongkai in atorangnea: Tapú in biag inta pokuruban in nobaḻí silai i imang inta noposumba.

PINOGIAPAN 18:9

Bo nongkon bayongan sosumba mita inta totok in motusi inta diá sinubá kon tudu in mezbah, inta moiduduimai naa in kon inimu: Kuruban oḷudon, kuruban potobut kon dosa bo kuruban toḻiu in karugian. Bayongan tua in sosumba motusi inta nobaḻí silaimu bo silai in adímu mita.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.