IMAMAT 19:34 - Alkitab Singog In Mongondow Masa In Tanaa

³⁴ Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

IMAMAT 19:34 ပူးပေါင်းရင်းမြစ်များ

MAZMUR 146:9

Sia in moḷukad kon intau ango-angoi; Sia in motuḷung kon boba-bobay bo uno-unon, táe moḷamboi kon tomayá in intau moraat.

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

YEHEZKIEL 47:22

bo butá tatua iko in kitogi modapot in mononoi. Intau mita ango-angoi inta nogutun notantú kon yua-yuakmu, bo kogadí kon adí mita inta pinononggadí kon tua, mustibí doman mokouḻí kon tonsilai nongkon butá tatua. Mosia in mustibí anggapon doman ná intau in Israel taakan, bo mosia in mustibí doman moitakin undion kon dodai in posilaian kon butá kon sigad in suku mita in Israel.

IMAMAT 19:18

Dika mopotuḻí in yaat in ginamu bo dika moyaat in gina kon intau ibanea, táe kotabibí in tumpaḷa intau ná kototabimu kon awakmu tontaní. Akuoi in ki Tuhan.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

PINOGIAPAN 10:32

Aka iko dumudui, dá bayongan inta mopia inta inaidan i Tuhan kon inami, in pomiaan nami doman kon inimu.”

MATIUS 5:43

“Aindon dinongog monimu in Pirman nanaa: kotabibí in yobayatmu bo kodoídon in saturumu.

ULANGAN 10:19

Dá moiko doman in mustibí moponiata in tabimu kon intau mita ango-angoi tatua, sin koḻipod in moiko in nobaḻíbí doman intau ango-angoi kon Mesir.

ULANGAN 23:7

Dikabí in moiko diá mopandungmai kon intau in Edom sin mosia tua in ki utatmubí. Dikabí doman in moiko diá mopandungmai kon intau in Mesir, sin moiko in nokoimontandon nogutun kon butá monia.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”

RUT 2:10

Nokodongogmai kon natua, sinumungkud in ki Rut kon tayowon i Boas bo noguman, “Amá, akuoi naa in diábí patus in motarima kon aid inta námai tua in kopopia nongkon i Amá. Akuoi naa in intau mokokiangoi bo diábí patus motarima kon aid mopia nongkon i Amá!”