IMAMAT 19:32 - Alkitab Singog In Mongondow Masa In Tanaa

³² Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

IMAMAT 19:32 ပူးပေါင်းရင်းမြစ်များ

KINOBAḺIAN 31:35

Bo ki Rahel in noguman kon i amánea, “Donaaidon ki papa tumorú, akuoi in diádon motaau simindog motomu kon i papa, sin akuoi inangoinea.” Ki Laban totokdon nonaridi in notayak, táe diá nouḻínea in patong tatua.

KINOBAḺIAN 48:12

Onda intua ki Yusup nogamá kon i monia nongkon kokoyo-koyot i Yakub, bo sia doman tontaní sinumungkud kon tayowon i amánea.

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

DATU MITA 2 17:36

Horomatbí in Akuoi, ki Tuhan, inta ain nodia kon i monimu iḻumuai nongkon Mesir takin kawasa inta moḷoben; sumbadon in Akuoi bo posumbadon in kuruban kon i-Nakó.

AYUB 32:4

Ki Elihu naa in ai-ai totok kon sigad monia, tuamai in inoḷatnea nodapot in mosia nopaḷutdon komintan nosingog.

AYUB 32:6

bo nosingog nanaa, “Akuoi naa in noguodpa, bo moiko in nogurangdon, tuamai in moondok in akuoi bo moḻia-ḻiaw in gina in mopoyaput in tosingogonku.

AMSAL 16:31

Intau mojujur in ogoianbí in umur moḷanggó; ubannea in naonda bo mahkota inta mopouḻi-uḻinag.

AMSAL 20:29

Intau moguodpa in ponango-nangoian popisí in ropotnea, bo guyanga in horomaton popisí in ubannea.

AMSAL 23:22

Duduiaibí in ki amámu; sin, aka diá in sia yo diábí doman in iko. Aka ki inámu in mogoguyangdon, yo poniatabí kon iko in mohoromat kon inia.

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

OMBAḶ 5:12

Itoi mita nami in dinomok bo binambé, guyanga mita nami in diádon sinompuri.

IMAMAT 19:14

Dika mogodi-godimai kon intau bongoḷ bo dika mopoḷamboi in batu kon tayowon intau bilog. Moiko mustibí mohoromat bo motoguondok kon i-Nakó, sin Akuoi in ki Tuhan Allahmu.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

TIMOTIUS 1 5:1

Dika daḻin-daḻíonmu in tumorú kon i monia inta umur monia noiḻiudon kon i naton, táe diugaibí in sia bo mongonguman naonda bo mongonguman takin in guyangamu tontaní. Ná doman tua in mosia inta nongoguodpa, tongginaaibí in mosia ná ki utatmu tontaní.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.