IMAMAT 19:28 - Alkitab Singog In Mongondow Masa In Tanaa

²⁸ Dika momai-maismai kon kuḻitmu sin momia kon tanda mita ande monompaḻí kon awakmu sin mobaḻí tanda mobaḷu kon intau minatoi. Akuoi in ki Tuhan.

IMAMAT 19:28 ပူးပေါင်းရင်းမြစ်များ

DATU MITA IMITÁNEA 18:28

Nabi mita tatua in nosambayang bo kinodugangandon in ropot in singog monia. Bo ná inta biasamai aidan monia, mosia in moponggaresdon in pitow bo pandong kon awak monia dá dugú in mototaitdon.

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

IMAMAT 19:27

Dika ḻibuonmu gonsingan in buok kon uḷumu ande mongarug kon kumimu.

IMAMAT 19:29

Dika mopoompámai in tangoi i adímu mita bobay takin mopobaḻí kon i monia bobay sundaḷ kon kuil. Aka momia kon natua yo moiko in aindon noporomúmai kon butámu, bo oaid mita inta moromú tatua mongawasadon kon tua.

IMAMAT 21:1

Ki Tuhan nopotabá kon i Musa mopotaau in parenta tanaa kon imang mita buí i Harun, “Tobatú imang in diábí motaau moponajis in awaknea popisí in dumudui mayá kon poḷobongan kon ginaḷumnea,

IMAMAT 21:11

Sia aindon pinosumba kon i-Nakó sin mobaḻí kapunyaan-Ku, dá diábí motaau moponajis in awaknea. Sia in diábí doman motaau moponajis in Ḷoḷaigan-Ku takin ḷumuai nongkon tua bo mayá tumuot kon baḷoi inta oyúon in intau minatoi, umpaka tua mayat i amánea ande in inánea.

IMAMAT 21:5

Imang tobatú diábí motaau tongá monggonsing kon tongosilai in buoknea bo diá doman motaau monggonsing kon kuminea ande monompaḻí kon awaknea takin ḷanit sin moponiata kon sia in koyogot kinopatoian.

MARKUS 5:5

Doḷom singgai in sia modondaḷoi kon poḷoḷobongan bo kon buḷu-buḷudannea, sindaḷan kumarak bo awaknea in tongkekebannea in batu.

YOHANES 20:25

Dá murí mita i Yesus ibanea in noguman kon i Tomas, “Kami ain nokoontong kon i Tuhan!” Táe ki Tomas in notubag: “Aka diápa ontongonku tontaní in paḷot in pakú kon ḻima-Nea bo kon sian-Nea tua, yo totokbí in diá mopirisaya in akuoi.”

ULANGAN 14:1

“Moiko nion in umat i Tuhan Allahmu. Dá aka oyúon in kinopatoian, dikabí in moiko monompaḻí kon awak ande mokibangkuḷug in buok kon dotá in pogotmu ná oaid in bangusa mita ibanea.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 14:9

Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,

WAHYU 15:2

Nopaḷut mako kon tua akuoi in nokoontong kon inta koontongan naonda bo dagat kaca inta noyobauk in tuḷu. Akuoi in nokoontong doman kon intau mita inta ain nountung nongkon mahaḷuk bo patongnea tatua, bo nokountung domandon kon intau inta tangoinea ain sinontandaan in angka. Intau mita inta ain nountung tatua in sinimindog kon bingkí in dagat kaca bo kokada-kadai in kecapi inta inogoi i Allah kon i monia.

WAHYU 16:2

Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.