IMAMAT 19:26 - Alkitab Singog In Mongondow Masa In Tanaa

²⁶ Dika mokaan kon dugú. Dika momaké in totaau mita pongonggaing.

IMAMAT 19:26 ပူးပေါင်းရင်းမြစ်များ

KINOBAḺIAN 44:5

Nongonu sin moiko in nonakowbí kon piala saḷaka i tuangku? Piala tatua pakéonneamai pongonginuman bo alat pooindoian kon onu in mobaḻí kon singgai moiduduimai. Moiko nogaidon kon inta totok in moraat!’ ”

KINOBAḺIAN 9:4

Inta diá motaau kaanonmu in tongábí tapú inta oyúonpa in dugúnea, sin nyawa tua in kon bonubí in dugú.

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

IḶUAIAN 7:11

Tuamai ki datu in nogoiní doman kon intaunea mita inta mototaau bo inta mososihir, bo mosia in nogaid doman kon ná tua pinongin totaau monia tatua.

IḶUAIAN 8:7

Táe mososihir mita nomaké doman in sinotaau monia, bo pinomia doman monia in tumpaḷak mita nongoitukat nongkon butá tatua.

YEREMIA 10:2

Sia in noguman, “Dika duduian in kabiasaan in bangusa mita ibanea, bo dika moondok in mokoontong kon tomponuot mita kon ḷangit inta kinoondok in bangusa mita tatua.

DANIEL 2:10

Intau mita inta totok in motaau tatua in notubag, “Kon sinangkub in dunia diábí in tobatúmai in mokopotaau kon onu inta kinoibog i Tuangku. Bo diápa doman kon dodai in onda in datu tobatú, naondaka in koḷoben bo koḷantudnea, nopoigum kon ná tatua nongkon mononoḻindap, mototaau bo intau mita inta nobayong in sinotaaunea kon komaḻignea.

IMAMAT 19:25

Bain kon taong noginḻima bo motaaudon moiko mokaan kon bungainea. Aka duduian monimu in bayongan atorang tatua, yo bayongan pangkoi in ayopmu modugangdon modatog in bungainea. Akuoi in ki Tuhan Allahmu.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 7:26

Intau Israel, kon ondaka in pinogutunannea, diábí motaau in mokaan kon dugú in ḷagapan ande dugú in mahaḷuk ibanea.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

ULANGAN 12:16

Tongá dugúnea in diábí motaau kaanon, táe musti popobutak kon butá ná tubig.

ULANGAN 12:23

Táe ponoyá inta oyúonpa in dugúnea diábí motaau in kaanon, sin nyawanea in kon bonubí in dugú, bo moiko in diábí motaau mokaan kon nyawa takin tapúnea.

ULANGAN 15:23

Dugúnea in diábí motaau kaanon, táe musti popobutak kon butá ná tubig.”

SAMUEL 1 14:32

dá nogogagowandon in mosia in nogamá kon onu inta inagow nongkon musung; mosia in nogamá kon domba bo sapi bodongka iratá monia kon tua doman, bo bayá-bayádon nokaan kon ponoyá inta oyúonpa in dugúnea.

SAMUEL 1 14:33

Bo pinotaau kon i Saul nanaa, “Tuang datu, rayat aindon nomia kon dosa kon i Tuhan sin nokaandon kon ponoyá inta oyúonpa in dugúnea.” “Moiko in moḷoḷawang!” guman i Saul noropot. “Ḻitoidon mangoi in batu moḷoben tobatú.”

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”