IMAMAT 19:17 - Alkitab Singog In Mongondow Masa In Tanaa

¹⁷ Dika motagú mako kon gina kon i ineka. Tompiadon bui in yogenggengmu takin i ineka, sinbá moiko diá baradosaan popisí in intau ibanea.

IMAMAT 19:17 ပူးပေါင်းရင်းမြစ်များ

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

SAMUEL 2 13:22

Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

NEHEMIA 13:17

Sinoboḷowku in itoi mita in Yohuda bo siningogku, “Diá kinotaauan degá monimu kon nogaidon in moiko kon inta moraat sin nogaidon kon singgai in Sabat?

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí

LUKAS 17:3

Tuamai, mokopoingatdon! Aka ki utatmu bo mogaid kon noitaḷá, yo toboḷow. Aka sia bo moibog mokidongog, yo ampungai.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

KORINTUS 1 5:2

Umpaka nogaidon kon natua, táe umuranpabí doman in moiko dumodia. Sabanarnea in bá moajarbí in gina monimu, bo poḷatdon poḷuai in intau natua nongkon sigad monimu.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

TIMOTIUS 1 5:22

Dikabí gumampanganmai in monantú poḷat momarakat kon intau sin baḻíon mogogaid kon oaidan i Tuhan. Bo aka oyúon in intau nogaid kon inta diá mopia yo donaaibí dumayan in iko. Tantúbí ḷukadai in awakmu bá umuran modarit.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TITUS 1:13

Bo totuubí in singog in nabi tatua. Manangka intua musti tongginaanmu kopiraan in mosia tua, sinbá mosia in umuran kumadai kon onu inta moitutui

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.