IMAMAT 19:13 - Alkitab Singog In Mongondow Masa In Tanaa

¹³ Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

IMAMAT 19:13 ပူးပေါင်းရင်းမြစ်များ

AYUB 17:5

Podudui in singog tango-tangoion, ki ine in mopongadu kon yobayat popisí in motayak kon kauntungan, ki adínea mita tontaní in motarima kon tontuḻí.

AYUB 31:39

aka kuma bo bungainea in nodaitku kinaan, bo monononggobá inta nomuḷa in pinomayáku mako ginogoi,

AYUB 7:2

naonda bo ata inta mogoḷat mako kon totuḷung; naonda bo mogogaid inta mogoḷat mako kon tondan in pinogaidannea.

IḶUAIAN 20:15

Dika monakow.

IḶUAIAN 22:13

Aka bobiagon tatua dinomok in mahaḷuk ibanea, yo intau inta nomiag tatua mustibí mopoontong in tuḷannea mita mobaḻí bukti kon i toginea, bo sia in diábí moguboḻi kon karugian kon i togi bobiagon tatua.

IḶUAIAN 22:15

Táe aka tua bo nobaḻí koonto-ontong i toginea, dá intau inta noḷuan tatua in diábí paraḷu moguboḻi kon karugian tatua. Aka bobiagon tatua bo bobiagon sinondanan, yo karugiannea in noyopuḻidon in tondannea.”

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

IḶUAIAN 22:7

Aka oyúon in intau tobatú nokitagú in doitnea andeka barang koboḻi kon yobayatnea. Táe kon singgai noiduduimai barang tatua sinakowdon in intau kon baḷoinea. Aka intau inta nonakow tatua kino umaan, dá mustibí intau inta nonakow tatua moguboḻi kodua ná kobayong in doit tatua ande barang tua.

AMSAL 20:10

Simbangan bo pogogukuran inta motombogá kinodoíbí i Tuhan.

AMSAL 22:22

Dikabí moporugimai kon intau bogá, tongá popisí in sia moyangkó; bo kon sidang pongadilan dika mogagow kon hak in intau inta diá kodaya.

AMSAL 3:28

Dikabí mokioḷat kon tumpaḷa intau modapot in mobangon monik, aka kon singgai tua bo motaaumupa tuḷungan in sia.

YEREMIA 22:13

Moboditodon in intau inta moposindog in baḷoinea inta noidoyon kon aid diá moadil, bo mogin oḷad takin aid diá motuḻid. Moboditodon in sia inta nopotabá in intau nogaid bo diá inuboḻian in pinogaidannea.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

IMAMAT 25:14

Dá aka moiko mopotaḷui in butá kon tumpaḷa intau Israel, ande motaḷui kon butá nongkon inia, yo dikabí mosipotaḷuian takin oaid diá motuḻid.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 20:8

Naonda in nodoḷomdon, ki togi gobá tatua in noguman kon moḷoḷukad kon gobánea, ‘Oinídon in intau mita inta nogaid tatua sin uboḻiankudon in pinogaidan monia, pangkoidon kon i monia inta nogaid tumi totok nodapot inta nogaid noiuna doman totok.’

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

LUKAS 3:13

Tubagnea kon i monia, “Donaai monagi moiḻiu kon onu inta ain sinantú kon i monimu.”

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

TIMOTIUS 1 5:18

Sin kon bonu in buk motusi in pinaisdon nanaa, “Sapi inta koyogot in moritak kon gandum sinbá moripúdon in batoḷ in gandum nongkon simpungoinea, donaaibí pomponan in bibignea.” Bo pinais doman nanaa, “Intau inta mogaid in patusbí motarima kon boḻi in pinogaidannea tatua”.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.