IMAMAT 17:8 - Alkitab Singog In Mongondow Masa In Tanaa

⁸ Aka intau Israel tobatú ande intau ango-angoi tobatú inta nogutun notantú kon sigad in intau Israel moposumba in kuruban tubáan ande kuruban ibanea

IMAMAT 17:8 ပူးပေါင်းရင်းမြစ်များ

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

IMAMAT 17:9

kon i Tuhan, yo musti posumbanea intua kon tayowon ngara in Ḷoḷaigan i Tuhan. Aka posumbanea intua kon tampat ibanea, yo sia in diádon motaau poyoiapon anggota in umat i Allah.

IMAMAT 3:7

Aka intau tobatú moposumba in domba tobatú, yo musti diaannea intua kon Ḷoḷaigan i Tuhan.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

YOSUA 22:11

Intau mita in Israel ibanea nokodongogdon kon tongobangusa monia in noguman, “Intau mita in suku i Ruben, i Gad bo i Manasye kon pomukaan kon Yordan ain noposindog in mezbah tobatú kon Gelilot kon diug in Ongkag in Yordan kon butá naton!” Dá mosia komintan in noyosipun kon Silo sin monubu kon suku mita in Israel inta kon dotá in pomukaan kon Ongkag in Yordan tatua.

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

HAKIM MITA 6:26

Posindogdon kon tua in mezbah tobatú inta ain inaidan sinompia mangoi. Onda intua sapi koḷakian tatua komintan, musti tubáanmu komintan mobaḻí kuruban kon i Tuhan. Pondungúdon in kayu oigi inta nobaḻí lambang i Dewi Asyera inta ain inumpagmu tua.”

SAMUEL 1 10:8

Mopaḷut mako kon tua iko in musti mayá in Gilgal bo mogoḷat kon tua pitu nosinggai. Bain mamangoi in akuoi sin moposumba in kuruban payongon bo kuruban dodamean, bo mopotaau kon inimu onu in musti pomiaanmu.”

SAMUEL 1 16:2

Táe ki Samuel in notubag, “Naonda in pogogaidku? Aka kodongogan i Saul intua, yo notantú bidon kon ḻimodonnea in akuoi!” Ki Tuhan in notubag, “Podiadon kon sapi batánea tobatú, bo potaaudon kon rayat kon iko in mayá intua sin moposumba in kuruban kon i Tuhan.

SAMUEL 1 7:9

Tuamai in ki Samuel noratá kon ki adí in domba inta batáneapa, bodongka pinosumba nobaḻí sosumba payongon kon i Tuhan. Nopaḷut mako kon tua nosambayang in sia nopoigum sinbá ki Tuhan in motuḷung kon intau in Israel, bo inindogogan i Tuhan in sambayangnea tatua.