IMAMAT 17:13 - Alkitab Singog In Mongondow Masa In Tanaa

¹³ Aka intau Israel tobatú ande intau ango-angoi tobatú inta nogutun notantú kon sigad in bangusa Israel modomok kon ḷagapan ande mahaḷuk ibanea inta diá haram, yo musti poḷuainea in dugú in mahaḷuk tatua bo bumbunannea in butá.

IMAMAT 17:13 ပူးပေါင်းရင်းမြစ်များ

AYUB 16:18

Ei dunia, raat kon inakó dikabí bunion; dika pomayá mako in kuaniku mopoigum in koadilan.

AMSAL 6:26

Bobay sundaḷ in motaaubí uboḻian in doit inta ná boḻi in kaanon topindan, táe monuaḻing takin buḷoi in intau ibanea in musti uboḻian in nyawa.

YEHEZKIEL 24:7

Kon kotá tatua oyúon in poḻimodan, táe dugú in kurubannea diá noibutak kon butá, táe kon tudubí in batu inta motogat, dá diá motaau bumbunan.

IMAMAT 17:12

Tuamai bangusa Israel ande intau ango-angoi inta nogutun kon sigad monia diá ogoi mokaan kon dugú.

IMAMAT 7:26

Intau Israel, kon ondaka in pinogutunannea, diábí motaau in mokaan kon dugú in ḷagapan ande dugú in mahaḷuk ibanea.

ULANGAN 12:16

Tongá dugúnea in diábí motaau kaanon, táe musti popobutak kon butá ná tubig.

ULANGAN 12:24

Dugúnea in beresibí diá motaau kaanon, táe mustibí popobutak kon butá naonda bo tubig.

ULANGAN 15:23

Dugúnea in diábí motaau kaanon, táe musti popobutak kon butá ná tubig.”