IMAMAT 17:12 - Alkitab Singog In Mongondow Masa In Tanaa

¹² Tuamai bangusa Israel ande intau ango-angoi inta nogutun kon sigad monia diá ogoi mokaan kon dugú.

IMAMAT 17:12 ပူးပေါင်းရင်းမြစ်များ

IḶUAIAN 12:49

Atorang inta notongkai popoaid doman kon intau Israel taakan bo kon intau ango-angoi inta nogutundon notantú kon sigad monimu.”

YEHEZKIEL 33:25

Tuamai in ki Tuhan Inta Totok in moḷantud in nopotabá kon inakó nopotaau in koyow-Nea tanaa kon i monia, “Moiko in nokaan kon ponoyá inta oyúonpa in dugúnea; moiko in nosumba kon berhala bo noḻimod. Mokobaḻíbí totok in moiko in mongaku kon butá tanaa moiko in kitogi.

IMAMAT 17:11

Nyawa in bayongan mahaḷuk komintanbí kon bonu in dugúnea. Tuamai ki Tuhan nomarenta sinbá bayongan dugú popobutak kon tudu in mezbah sinbá dosa mita in umat popatandon. Dugú inta nyawa tatua, momopat kon dosa.

IMAMAT 17:13

Aka intau Israel tobatú ande intau ango-angoi tobatú inta nogutun notantú kon sigad in bangusa Israel modomok kon ḷagapan ande mahaḷuk ibanea inta diá haram, yo musti poḷuainea in dugú in mahaḷuk tatua bo bumbunannea in butá.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.