IMAMAT 16:34 - Alkitab Singog In Mongondow Masa In Tanaa

³⁴ Upacara tatua musti aidan totaong in komintan sin pondaritan kon bangusa Israel nongkon bayongan dosa monia. Tuata in atorang mita inta musti umuran duduian monia dapot kon adí bo ompu. Inaidan i Musa intua notongkai ná inta ain pinoguman i Tuhan kon inia.

IMAMAT 16:34 ပူးပေါင်းရင်းမြစ်များ

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 30:10

Komintan in totaong ki Harun musti mogaid kon upacara pondaritan kon mezbah takin mopopisik kon tungoi opat in dugú in biag inta pinokuruban sin pongampungan kon dosa. Tua in musti pomiaan pomuḷoi in taong dapot kon adí bo ompu. Mezbah tatua musti motusi komintan bo tongábí kon i-Nakó.”

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

IMAMAT 17:1

Ki Tuhan nopotabá kon i Musa

IMAMAT 23:28

Dikapa mogaid, sin singgai tatua in singgaibí potobutan kon dosa, sinbá dosa monimu ampungandon kon tayowon i Tuhan Allahmu.

IMAMAT 23:31

Atorang tatua pakéon kon bayongan buímu kon ondakabí in pinogutunan monia.

IMAMAT 24:23

Naonda in nopaḷut mako in ki Musa nopotaau in tosingogon tatua kon bangusa Israel, mosia nodia kon intau inta nogodi-godimai kon i Allah tatua pinoḷuai kon ḷoḷaigan bodongka inarab in batu dapot in minatoi. Tua in pinomia in intau Israel podudui in parenta i Tuhan kon i Musa.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

PINOGIAPAN 29:7

Kon singgai impuḷúnea buḷan noginpitu moiko musti momia kon poyodungkuḷan sin moibada. Kon singgai tatua moiko in musti mopuasa bo diábí motaau mogaid.

IBRANI 10:14

Dá kuruban tobatú tatua inta inaidan i Kristus noposompurnadon kon intau mita inta ain dinaritan nongkon dosa.

IBRANI 10:3

Táe noniata magí, yo kuruban mita inta pinosumba pomuḷoi in taong tua in tongábí moponorop bui kon intau mita kon bayongan dosa monia.

IBRANI 9:25

Aka Imang Moḷoben intau in Yahudi yo pomuḷoibí in taong tumuot kon yuang inta Totok in Motusi kon bonu in baḷoi Tuhan takin kodia-dia in dugú in mahaḷuk. Táe ki Kristus in diábí nopobui-buimai in sinumuot sin moposumba in awak-Nea tontaní.

IBRANI 9:7

Bo inta motaau tumuot kon yuang inta totok in moako tua in tongábí imang inta totok moḷoben. Sia in tumuot mogaid kon oaidannea, komintan in totaong. Sia in tumuot kon tampat tatua takin kodia-dia in dugú inta posumba kon i Allah saḷaku sosumba inta potobutnea kon dosanea tontaní bo dosa mita in umat i Allah inta diá sinuod pinomia.