IMAMAT 16:27 - Alkitab Singog In Mongondow Masa In Tanaa

²⁷ Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

IMAMAT 16:27 ပူးပေါင်းရင်းမြစ်များ

IMAMAT 4:21

Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

IMAMAT 6:11

Mopaḷut mako kon tua sia musti momaḷuidon kon pakeang bodongka modia kon ḷobud tatua kon ḷuai in ḷoḷaigan, pobayá in tampat inta ain sinantú potagúan kon tua.

IMAMAT 6:23

Bayongan kuruban oḷudon inta posumba in imang musti tubáan kodaiton, bo topiḻikmai diábí motaau in kaanon.

IMAMAT 6:30

Mahaḷuk inta pinaké kon upacara potobutan kon dosa inta ginamá in dugúnea ibanea bo dinia kon Yuang Motusi, mustibí tubáan kopayongon bo diábí motaau in kaanon.

IMAMAT 8:17

Táe tapú in sapi tatua, kuḻitnea, bonu in sian ibanea moitakin doman in kompongnea, dá komintan sapi tatua koḻikudon inta ain sinontaní in tubáanneadon kon ḷuai in ḷoḷaigan ná inta pinoki aid i Tuhan.