IMAMAT 16:22 - Alkitab Singog In Mongondow Masa In Tanaa

²² Bembé tatua in modia kon bayongan dosa in bangusa Israel mopobayá in butá inta noḷogatdon bo diádon pinogutunan bo bembé tatua in buḻiandon kon padang gurun.

IMAMAT 16:22 ပူးပေါင်းရင်းမြစ်များ

MAZMUR 103:10

Sia in diábí mohukum kon inaton podudui in dosa naton, andeka motuḻí kon inaton podudui in taḷá naton.

MAZMUR 103:12

Ná kinoyoyayú in pomukaan kon toyopan, natua in kinoyoyayú in pinoḷumbúan-Nea kon dosa mita naton.

YEHEZKIEL 18:22

Bayongan in dosanea in ampunganbí; mobiagbí in sia, sin nogaid kon inta moitutui.

YEHEZKIEL 4:4

Bo uḻidon tonsi ná koḷoigi, bo Akuoi in mopouma in taḷá in bangusa in Israel kon inimu. Kon bonu in toḷu nogatut bo siow nopuḷú nosinggai iko in umuḻid natua bo mobaba kon roriga popisí in taḷá monia. Tosinggai iko in umuḻid natua yo notongkai in totaong in hukuman kon bangusa in Israel.

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:21

Ḻimanea musti poukatnea kon ḻimonik in uḷu in bembé tatua poḷat mongaku kon bayongan taḷá, dosa bo ḷawang in bangusa Israel. Natuata in pomomamping kon bayongan taḷá in bangusa Israel kon tudu uḷu in bembé tatua. Bo intau tobatú inta ain sinantú musti moguntun kon bembé tatua pobayá in padang gurun.

IMAMAT 16:23

Mopaḷut mako kon tua ki Harun musti tumuot kon bonu in Ḷoḷaigan, moḷongkut kon pakeang imang inta iḷutudnea kon dodai in sia sinumuot kon Yuang Totok Motusi, bo monaḷámai kon pakeang tatua kon bonunea.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.