IMAMAT 16:19 - Alkitab Singog In Mongondow Masa In Tanaa

¹⁹ Musti gongguyamúnea tontaní in pakéonnea mopopisik in dugú topiḻik kopitu kon tudu in mezbah. Natuata in pogogaid ki Harun mondarit kon mezbah nongkon kinonajisan in bangusa Israel, sinbá mobaḻí modarit.

IMAMAT 16:19 ပူးပေါင်းရင်းမြစ်များ

TAWARIKH 1 6:34

ki Elkana, ki Yeroham, ki Eliel, ki Toah,

IMAMAT 16:14

Bo ki Harun musti mogamá kon dugú in sapi topiḻik, bo takin gongguyamúnea tontaní popopisiknea in dugú tatua kon dotá in muna in taḷob in Poti Dodandian bo kopitu doman kon muna in Poti.

IMAMAT 16:20

Naonda in mopaḷut mako momia kon upacara pondaritan kon Yuang Totok Motusi bo tampat mita ibanea kon Ḷoḷaigan i Tuhan takin mezbahnea, ki Harun musti moposumba kon i Tuhan in bembé inta nobiag inta piniḻí kon i Azazel.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.