IMAMAT 16:15 - Alkitab Singog In Mongondow Masa In Tanaa

¹⁵ Mopaḷut mako kon tua ki Harun musti moratá kon bembé sin pokuruban potobut kon dosa in umat Israel. Dugú in bembé tatua musti diaannea kon Yuang Totok Motusi, bo popopisik kon dotá in muna taḷob in Poti Dodandian bo kon tayowon Poti, ná pinogogaid kon dugú in sapi koḷakian.

IMAMAT 16:15 ပူးပေါင်းရင်းမြစ်များ

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

IMAMAT 4:21

Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

IMAMAT 4:5

Tongosilai in dugúnea musti diaannea tumuot kon bonu in Ḷoḷaigan.

PINOGIAPAN 17:11

Ki Musa nogaid kon onu inta pinarenta i Tuhan.

PINOGIAPAN 28:15

Mobaḻí indugang in kuruban payongon muḷoi in singgai takin kuruban tubig in anggurnea, yo musti doman posumba monimu in bembé koḷakian tobatú sin baḻíon kuruban potobut kon dosa.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IBRANI 5:3

Lantaran sia bo nobayongpa doman in kalemahannea dá mustibí doman sia mobogoi in kuruban, bo kuruban tatua in deemanbí tongá potobut kon dosa mita in umat i Allah, táe dosaneabí doman tontaní.

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

IBRANI 9:13

Dugú in bembé bo dugú in sapi koḷakian takin ḷobud in kuruban ki adí in sapi, pinaké nondarit kon intau mita inta nokotor podudui atorang in agama sinbá mobaḻí modarit in mosia.

IBRANI 9:3

Kon dotá in bonunea, inta kon tumimai in gorden induanea, oyúon in yuang inta sinangoian “Yuang Totok Motusi.”

IBRANI 9:7

Bo inta motaau tumuot kon yuang inta totok in moako tua in tongábí imang inta totok moḷoben. Sia in tumuot mogaid kon oaidannea, komintan in totaong. Sia in tumuot kon tampat tatua takin kodia-dia in dugú inta posumba kon i Allah saḷaku sosumba inta potobutnea kon dosanea tontaní bo dosa mita in umat i Allah inta diá sinuod pinomia.