IMAMAT 16:11 - Alkitab Singog In Mongondow Masa In Tanaa

¹¹ Naonda in ki Harun moposumba bo moratá kon sapi koḷakian inta nobaḻí kuruban potobut kon dosanea bo tombonu in baḷoinea,

IMAMAT 16:11 ပူးပေါင်းရင်းမြစ်များ

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 16:33

bo momia kon upacara pondaritan kon Yuang Totok Motusi, tampat mita ibanea nongkon Ḷoḷaigan i Tuhan, mezbah, imang mita bo bayongan umat Israel.

IMAMAT 16:6

Ki Harun musti moposumba in sapi koḷakian tobatú mobaḻí kuruban potobut kon dosa kon inia bo kon tombonu in baḷoinea.

IMAMAT 9:7

Nopaḷut mako kon tua sia noguman kon i Harun, “Bayádon kon mezbah bo sadiadon in kuruban potobut kon dosa bo kuruban tubáan, sinbá dosamu bo dosa in umat ampungandon i Tuhan. Aidaidon intua ná inta ain pinoki aid i Tuhan.”

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 9:7

Bo inta motaau tumuot kon yuang inta totok in moako tua in tongábí imang inta totok moḷoben. Sia in tumuot mogaid kon oaidannea, komintan in totaong. Sia in tumuot kon tampat tatua takin kodia-dia in dugú inta posumba kon i Allah saḷaku sosumba inta potobutnea kon dosanea tontaní bo dosa mita in umat i Allah inta diá sinuod pinomia.