IMAMAT 16:10 - Alkitab Singog In Mongondow Masa In Tanaa

¹⁰ Bembé inta kinopiḻían kon i Azazel musti diaan kobia-biag kon tayowon i Tuhan bodongka buntunon pobayá in padang gurun kon i Azazel, sinbá dosa mita in bangusa Israel popatandon.

IMAMAT 16:10 ပူးပေါင်းရင်းမြစ်များ

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:8

Kon tua sia musti mopogonik in undi inta batu doyowa, tobatú in sinontandaan “ogoi kon i Tuhan” bo inta tobatú doman in “kon i Azazel”.

IMAMAT 16:9

Bembé inta piniḻí kon i Tuhan musti posumba mobaḻí kuruban potobut kon dosa.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.

YOHANES 1 3:16

Naa in daḷan bá kotaauan naton in motabi kon tumpaḷa intau: ki Kristus in noposarakandon in kobiagan-Nea sin kopontingan naton. Sin tuamai, kita doman in musti moposarakan in kobiagan naton kon kopontingan i utat mita naton!