IMAMAT 15:31 - Alkitab Singog In Mongondow Masa In Tanaa

³¹ Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

IMAMAT 15:31 ပူးပေါင်းရင်းမြစ်များ

MAZMUR 66:18

Aka kuma bo mopia in ginaku in monomayá kon aid moraat, yo notantúbí kon doíbí in ki Tuhan mokidongog.

YEHEZKIEL 23:38

Bo deemanbí tongá tua. Mosia in noponajis doman kon Baḷoi-Ku bo singgai in Sabat inta ain sinantú-Ku.

YEHEZKIEL 36:17

“Ei intau ilo-ilow, kon dodai in intau mita in Israel nogutun kon butá monia tontaní, kinotorandon monia in aid bo dodia monia. Inanggap-Kubí kon dodia monia tua in poton, naonda bo bobay inta inangoinea.

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

YEHEZKIEL 5:11

Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

IMAMAT 11:47

Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.

IMAMAT 13:59

Natuata in atorang kon ponopadan inta kon pakeang ande nongkon kaeng linen ande wol, ande kon onukabí inta pinomia nongkon kuḻit.

IMAMAT 15:32

Natuata in atorang mita soaḷ intau ḷoḷaki inta ḷuaian in ḷumoḷayat popisí in panyakinea kon dodiaan ande ḷuaian in buḻe,

IMAMAT 19:30

Ḷukadai in singgai in Sabat bo horomatdon in tampat mita inta ain sinantú posumbaan kon i-Nakó. Akuoi in ki Tuhan.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

IMAMAT 21:23

Popisí in intau tatua nobogit in awaknea, dá sia diá motaau dimiug kon toḻipoi inta nopoyotondí in Yuang Motusi ande mezbah. Sia diábí motaau moponajis in barang mita inta ain sinondí kon i-Nakó, sin Akuoi in ki Tuhan, bo Akuoi in nonondí kon barang mita tatua.”

PINOGIAPAN 19:13

Intau inta noiḻiai kon mayat bo diá nopotusi in awak yo nonajis in sia, sin sia in diápa binurean in tubig upacara. Sia noponajis in Ḷoḷaigan i Tuhan, dá tuamai sia in diádon pinoyoiap umat i Allah.

PINOGIAPAN 19:20

Intau inta nonajisdon bo diá nomia kon upacara ponusian kon awak, umuranpabí nonajis sin diápa binutakan in tubig upacara. Sia noponajis in Ḷoḷaigan i Tuhan, bo diádon pinoyoiap anggota in umat i Allah.

PINOGIAPAN 5:3

Mosia tua in musti pokiḷuaian, sinbá diá mokonajis kon ḷoḷaigan, tampat inta pinogutunan-Ku takin umat-Ku.”

KORINTUS 1 3:17

Aka oyúon in momogutú kon Baḷoi i Allah, yo pogutúonbí doman i Allah in intau tatua. Sin Baḷoi i Allah in tongábí Baḷoi-Nea tontaní, bo moikobí nion in Baḷoi i Allah inta imakusud naa.

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

SAMUEL 1 3:14

Tuamai in Akuoi mongibot soaḷ motoḷuadí i Eli, kon dosa monia inta totok in moḷoben tua diábí kopopatan in kuruban andeka sosumba onuka kinoouputbí in kobiagan monia.”