IMAMAT 15:21 - Alkitab Singog In Mongondow Masa In Tanaa

^21-23 Ki ine in moḻiai kon tampat inta ain pinosiugan ande iḻitúan in bobay inta inangoinea tatua, mustibí momatá kon pakeangnea bo moinggú, bo sia monajis modapot kon mata in singgai tumoyop.

IMAMAT 15:21 ပူးပေါင်းရင်းမြစ်များ

YESAYA 22:14

Ki Tuhan Inta Totok in moḷantud bo Inta Totok in mokawasa nokipogontong kon inakó bo noguman, “Totuu, aid monia inta moraat tua in diábí ampungan-Ku modapot in mosia matoi. Akuoi in ki Tuhan, ain nosingog.”

IMAMAT 11:24

Intau tobatú mobaḻí monajis modapot in mata in singgai tumoyop aka sia moḻiai kon mahaḷuk tanaa aka matoidon: Mahaḷuk inta kokonukuan, koḻikudbí in konukunea nosilai bo umuran mongongguyom, bo mahaḷuk inta sioḷnea opat bo kokonukuan. Ki ine in modia kon mahaḷuk natua inta ain minatoi, yo intau tatua musti momatá kon pakeangnea, táe sia tua in umuranpabí nonajis modapot kon mata in singgai tumoyop.

IMAMAT 15:20

Onukabí in iḻitúan ande pinosiugan in bobay tatua kon bonu in sia inangoineapa yo mobaḻíbí monajis.

PINOGIAPAN 19:22

Barang inta iḻiai in intau inta nonajis tatua nobaḻí doman nonajis, bo intau ibanea inta noḻiai nobaḻí doman monajis modapot in mata in singgai tumoyop.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.