IMAMAT 15:13 - Alkitab Singog In Mongondow Masa In Tanaa

¹³ Aka intau tatua mopia, dá sia musti mogoḷatpa pitu nosinggai in koonggotnea bui. Mopaḷut mako kon tua sia musti momatá kon pakeangnea bo moinggú kon bokaká, dá modaritdon in sia.

IMAMAT 15:13 ပူးပေါင်းရင်းမြစ်များ

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

IḶUAIAN 29:37

Aidai intua muḷoi in singgai kon bonu in pitu nosinggai. Dá mezbah modaritdon komintan; onukabí in moitugat kon mezbah tatua musti posarakan kon i Tuhan, bo ki inekabí in moḻiai, mokouḻí kon bodito popisí in ropot in kototusinea.”

YEREMIA 33:8

Akuoi in mondaritbí kon i monia nongkon dosa mita inta ain inaidan monia kon i-Nakó; dosa mita bo aid moraat monia in ampungan-Kubí.

IMAMAT 14:10

Kon singgai noginwaḷu intau tatua musti modia kon ki adí in domba koḷakian doyowa bo ki adí in domba kobaayan tobatú inta umurdon totaong inta totok in mopia. Koḻikud intua doman topong toḷu nokilo inta ain binauian in ḷana zaitun noyoḷomboi monag in liter.

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 15:28

Naonda in toḷogan dugú tatua mogogaidon, bobay tatua in musti mogoḷatpa bui modapot in pitu nosinggai. Bain mopaḷut mako kon tua bo modarit in sia.

IMAMAT 15:5

Ki ine in moḻiai kon intau oyúon in ḷumoḷayat tatua ande moḻiai kon pinosiugannea, ande ḻimitú kon tampat inta ain iḻitúannea ande dinuyáan in intau tatua, yo musti in sia momatá kon pakeangnea bo moinggú, táe sia monajispabí modapot kon mata in singgai tumoyopdon.

IMAMAT 8:33

Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.

IMAMAT 9:1

Tosinggai naonda in upacara pinomaḻían kon imang tatua nopaḷut, kon singgai noginwaḷu, ki Musa nogoiní kon i Harun bo kon i adínea mita takin itoi mita in bangusa Israel.

PINOGIAPAN 12:14

Ki Tuhan notubag, “Aka pogotnea bo dinuyáan i amánea, yo sia tua in mustibí mobaba kon oyá kon bonu in pitu nosinggai? Posídon in sia nongkon pinononḷoḷaigan pitu nosinggai in koonggotnea, bain tua bo motaau in sia tumuot bui.”

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,