IMAMAT 14:8 - Alkitab Singog In Mongondow Masa In Tanaa

⁸ Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 14:8 ပူးပေါင်းရင်းမြစ်များ

TAWARIKH 2 26:21

Nodapot in ki Datu Uzia minatoi takitnea tatua in diábí nopia-pia. Pinopoutundon in sia kon baḷoi tobatú bo diádon inogoi tumuot kon Baḷoi Tuhan. Iḷuatandon in sia nongkon oaidannea mita, bo ki Yotam ki adínea ḷoḷaki in nomarenta kon rayat nobaḻí oḻitnea.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IḶUAIAN 19:14

Onda intua ki Musa noponag nongkon buḷud bo nopotabá kon intau mita moposadia sin moibada. Gumannea, “Toumá moiko in musti nosadia, bo tanaa mako moiko in diápa motaau mosiug moyotakin.” Bo bangusa tatua nomangkoidon noposadia bo nomatá kon pakeang monia.

IMAMAT 14:20

bo posumbanea poyotakinon in kuruban oḷudon kon tudu in mezbah. Natuata in pogogaid i imang kon upacara pondaritan kon intau tatua, bo sia in modaritdon.

IMAMAT 14:9

Kon singgai noginpitu sia musti mokigonsing in buok, kumi, koibing bo bayongan bubuḷ inta kon awaknea. Bo sia musti momatá kon pakeangnea bo moinggú. Bain mopaḷut mako kon tua sia modaritdon.

IMAMAT 15:13

Aka intau tatua mopia, dá sia musti mogoḷatpa pitu nosinggai in koonggotnea bui. Mopaḷut mako kon tua sia musti momatá kon pakeangnea bo moinggú kon bokaká, dá modaritdon in sia.

IMAMAT 8:6

Bo sia in nopotabá kon i Harun bo kon i adínea mita mamangoi in muna bo mondarit kon awak monia.

PINOGIAPAN 6:9

Aka buok in nazir tobatú inta ain sinantú kon i Tuhan tua bo nobaḻídon nonajis popisí in sia baḷú noidiug kon intau minatoi, dá musti in sia mogoḷat pitu nosinggai in koonggotnea; bain mopaḷut mako kon tua sia mokibangkuḷug in uḷu bo kuminea, bain tua bo mobaḻí in sia modarit.

PINOGIAPAN 8:7

nanaa in pogogaid: pisikai in tubig in mosia mobaḻí upacara pondaritan bo pokikarugdon in bayongan bubuḷ kon awak monia bo momatá kon pakeang monia. Tua in aidan monia bá modaritdon in mosia.

ULANGAN 21:12

Diadon in bobay tatua kon baḷoimu. Kon tua in sia musti mokigonsing in buoknea, mongingkonuku,

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.