IMAMAT 14:7 - Alkitab Singog In Mongondow Masa In Tanaa

⁷ Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 14:7 ပူးပေါင်းရင်းမြစ်များ

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

MAZMUR 51:2

naonda in sia sinoboḷow i Nabi Natan popisí in nonuaḻing takin i Batsyeba.

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

IMAMAT 13:13

bo podudui in pinonaridiannea panyaki tatua aindon noiḻekep kon bayongan awak bo bayongan awaknea nobaḻídon nobudó komintan, dá intau tatua poniatadon kon nodarit.

IMAMAT 13:17

sin mokitaridi bui. Aka tumbobog tatua totuu kon nobaḻídon nobudó, dá ki imang musti moponiata kon nodaritdon in sia.

IMAMAT 14:51

Bo kayu ḷokuyú, tali nopura, hisop bo ḷagapan inta nobiagpa tatua musti poḷodok kon bonu in dugú in ḷagapan inta ain iratá bo kon bonu in tubig inta modarit tatua. Mopaḷut mako kon tua baḷoi tatua musti pisikannea kopitu.

IMAMAT 16:14

Bo ki Harun musti mogamá kon dugú in sapi topiḻik, bo takin gongguyamúnea tontaní popopisiknea in dugú tatua kon dotá in muna in taḷob in Poti Dodandian bo kopitu doman kon muna in Poti.

IMAMAT 16:19

Musti gongguyamúnea tontaní in pakéonnea mopopisik in dugú topiḻik kopitu kon tudu in mezbah. Natuata in pogogaid ki Harun mondarit kon mezbah nongkon kinonajisan in bangusa Israel, sinbá mobaḻí modarit.

IMAMAT 16:22

Bembé tatua in modia kon bayongan dosa in bangusa Israel mopobayá in butá inta noḷogatdon bo diádon pinogutunan bo bembé tatua in buḻiandon kon padang gurun.

IMAMAT 4:17

Kon tua sia musti mopoḷodok in gongguyamúnea kon bonu in dugú tatua bodongka popisiknea kopitu kon tayowon in toḻipoi inta nopoyotondí in Yuang Motusi.

IMAMAT 4:6

Bo sia in musti mopoḷodok in gongguyamúnea kon bonu in dugú tatua bodongka mopopisik kopitu kon tayowon in toḻipoi inta nopoyotondí in Yuang Motusi.

IMAMAT 8:11

Topiḻik nongkon ḷana tatua pinopopisiknea kopitu kon tudu in mezbah bo kon bayongan pakakatnea, bo pinopopisik doman kon tudu in bak bo dodoyonannea. Tua moponiata kon bayongan in yagi-yagi komintandon inogoi kon i Tuhan.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

PINOGIAPAN 19:12

Kon singgai nogintoḷu bo noginpitu sia in musti mopotusidon in awaknea takin tubig in upacara; bain tua bo modarit in sia. Táe aka kon singgai nogintoḷu bo singgai noginpitu diá in sia mondarit kon awak, yo sia in umuranpabí nonajis.

YOHANES 19:34

Táe sian i Yesus sinakuḷ in tobatú tontara in ginubat; dá iḷumuaidon in dugú bo tubig.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 9:13

Dugú in bembé bo dugú in sapi koḷakian takin ḷobud in kuruban ki adí in sapi, pinaké nondarit kon intau mita inta nokotor podudui atorang in agama sinbá mobaḻí modarit in mosia.

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

IBRANI 9:21

Natua doman in pinomia i Musa kon ḷoḷaigan i Tuhan bo kon bayongan in pakakat inta pakéonmai kon pooibadaan, nodaitnea pinisikan in dugú tatua.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

YOHANES 1 5:6

Ki Yesus Kristus tuata inta namangoi kon dunia takin tubig inta pinobaptisan kon i-Nia bo takin doman dugú in kinopatoian-Nea. Sia in namangoi deemanbí tongá takin tubig, táe takinbí tubig bo dugú. Bo Roho i Allah tontaní nobogoi in kosakusian kon totuubí intua, sin Roho in diábí kon dodai in onda in monguboḷ.