IMAMAT 14:6 - Alkitab Singog In Mongondow Masa In Tanaa

⁶ Ḷagapan inta tobatú doman takin kayu ḷokuyú, tali nopura bo hisop totanga musti poḷodok kon bonu in dugú in ḷagapan inta ain iratá.

IMAMAT 14:6 ပူးပေါင်းရင်းမြစ်များ

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

IMAMAT 14:4

dá ki imang mopotabá kon inia modia kon ḷagapan doyowa inta kobia-biagpa inta diá haram, takin doman topongkó in kayu ḷokuyú, tali nopuya tobatú bo hisop totanga.

IMAMAT 14:5

Ḷagapan tobatú musti ratáan kon tudu in kuyon butá inta binonuan in tubig modarit nongkon bokaká.

IMAMAT 14:50

Ḷagapan tobatú in musti ratáannea kon tombutung in kuyon inta binonuan tubig nodarit inta nongkon bokaká.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,