IMAMAT 14:5 - Alkitab Singog In Mongondow Masa In Tanaa

⁵ Ḷagapan tobatú musti ratáan kon tudu in kuyon butá inta binonuan in tubig modarit nongkon bokaká.

IMAMAT 14:5 ပူးပေါင်းရင်းမြစ်များ

IMAMAT 14:4

dá ki imang mopotabá kon inia modia kon ḷagapan doyowa inta kobia-biagpa inta diá haram, takin doman topongkó in kayu ḷokuyú, tali nopuya tobatú bo hisop totanga.

IMAMAT 14:50

Ḷagapan tobatú in musti ratáannea kon tombutung in kuyon inta binonuan tubig nodarit inta nongkon bokaká.

IMAMAT 14:6

Ḷagapan inta tobatú doman takin kayu ḷokuyú, tali nopura bo hisop totanga musti poḷodok kon bonu in dugú in ḷagapan inta ain iratá.

PINOGIAPAN 5:17

Bo ki imang musti mogamá kon palo butá tobatú bo momonu in tubig topiḻik. Mopaḷut mako kon tua musti in sia mogamá kon ḷobud topiḻik nongkon taḷog in Ḷoḷaigan i Tuhan bo bonuonnea kon tubig tatua.

KORINTUS 2 13:4

Totuubí, kon wakutu in Sia pinopopakú kon kayu pinoyotaḻempang, noḻemé in Sia, táe tanaa in biniagdon bui i Allah in Sia takin kawasa-Nea. Kami in diábí doman moropot kon bonu in kobiagan nami inta notobatúdon i Kristus, táe aka kami moyogintayowdon monimu, yo kami in mobaḻí bidon moropot moyotakin i Kristus lantaran kawasa i Allah.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.