IMAMAT 14:43 - Alkitab Singog In Mongondow Masa In Tanaa

⁴³ Aka ponopadan tatua momuká bui, bokaka batu mita in baḷoi tatua ain binaḷuian bo dindingnea mita ain kinarugan bo pinelesterdon bui,

IMAMAT 14:43 ပူးပေါင်းရင်းမြစ်များ

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

IMAMAT 14:42

Bo batu mita inta pinoḷuai tatua musti toḻiuan in batu mita inta mobagu. Bayongan dinding in baḷoi tatua musti bui pelesteron toimbaguon.

IMAMAT 14:44

dá ki imang in musti mamangoi bo monaridi bui kon baḷoi tatua. Aka ponopadan tatua bo ḷumekep dá baḷoi tatua in nonajis

IMAMAT 14:48

Táe aka ki imang mamangoidon bo naonda in sinaridinea mako bo diábí in ponopadan nomuká bui naonda in baḷoi tatua pinelester bui, dá musti poniata in imang tatua kon nodarit in baḷoi tatua, sin ponopadan tatua aindon noinggamá komintan.

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.

PETRUS 2 2:22

Singog moiduduimai naa noyokaan totok in oaid monia tua, “Ungkú mokaanbí bui kon totukanea, bo boké inta ain ininggúan kinodarit buibí doman in sia mayá ḷumobong kon bonu in yoná.”

YUDAS 1:12

Kon wakutu in moiko nogaid kon rame nongaan noyotakin, oaid in intau mita tatuata inta mokobú kon sigad monimu. Mosia tumura in mongaan takin diábí kooyá, bo tongá morai kon kopontingan monia tontaní. Mosia tua in ná doman onda bo goḷom inta dinia in tompot táe diá mokouyan. Mosia in ná doman onda bo pangkoi in ayop inta diá momomungai umpaka sempo in ayop; pangkoi mita inta ain irabut takin uakatnea bo minatoidon.