IMAMAT 14:39 - Alkitab Singog In Mongondow Masa In Tanaa

³⁹ Kon singgai noginpitu sia in musti mamangoi bo monaridi bui. Aka pinonopadan tatua ḷumekep,

IMAMAT 14:39 ပူးပေါင်းရင်းမြစ်များ

IMAMAT 13:22

Aka oḷaap nobudó tatua bo moiḻekepdon, dá ki imang musti moponiata kon intau tatua nonajis sin kinotugatandon in panyaki kuḻit inta mokobahaya.

IMAMAT 13:27

Kon singgai noginpitu ki imang musti monaridi bui kon inia. Aka oḷaap tatua ḷumekep, dá intau tatua kinotugatan in panyaki kuḻit inta mokobahaya, bo musti poniata kon nonajis.

IMAMAT 13:36

dá musti bui taridion i imang in sia. Aka panyaki tatua ḷumekepbí, dá diá bidon paraḷu in ki imang monaridi mongo buok ande kumi intau tatua nodaragdon, sin nosilang bidon kon sia tua in nonajis.

IMAMAT 13:51

Kon singgai noginpitu sia in musti monaridi bui, bo aka inta ponopadan tatua totuu kon ain noiḻekep, barang tatua in nonajis.

IMAMAT 14:38

ki imang musti monaḷámai kon baḷoi tatua bo kunsíannea pitu nosinggai in koonggotnea.

IMAMAT 14:40

dá sia musti mokibongkar in dinding inta kinotugatan in ponopadan tatua bo bayongan dinding dotá in bonunea musti karugan. Bo pinongarugan kon pelester bo batu mita tatua musti ḷumbúon kon tampat tobatú inta monajis kon ḷuai in kotá.