IMAMAT 14:22 - Alkitab Singog In Mongondow Masa In Tanaa

²² Sia musti doman modia kon ḷagapan paḷoma doyowa inta moḻinea ande moḻi in tarangkuku: tobatú in baḻíon kuruban potobut kon dosa bo inta tobatú doman in baḻíon kuruban tubáan.

IMAMAT 14:22 ပူးပေါင်းရင်းမြစ်များ

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YEREMIA 48:28

Moiko intau in Moab, taḷaaidon in kotámu mita bo pogutundon kon tombuḷud in batu ná ḷagapan paḷoma nogaid kon pugadnea kon bingkí in irang.

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

IMAMAT 14:21

Aka intau tatua nobiag nobogá bo diá mokopooyúon, dá mobaḻí kuruban toḻiu in karugian tatua motaaubí in sia modia kon ki adí in domba tobatú sin baḻíonnea kuruban tonoion kon i Tuhan. Koḻikud intua topong doman tokilo inta ain binauian in ḷana zaitun sin baḻíon kuruban oḷudon, bo ḷomboi monag in liter in ḷana zaitun.

IMAMAT 14:24

Ki imang mogamá kon ki adí in domba bo ḷana zaitun tatua bo posumbanea mobaḻí sosumba tonoion kon i Tuhan, bo tua in mobaḻí silai in imang.

IMAMAT 15:14

Kon singgai noginwaḷu sia in musti modia kon ḷagapan paḷoma doyowa inta moḻineapa ande moḻi in tarangkuku kon tayowon ngara in Ḷoḷaigan i Tuhan bo posarakannea kon i imang.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

PINOGIAPAN 6:10

Kon singgai noginwaḷu musti in sia modia mangoi kon doyowa in ḷagapan paḷoma andeka tarangkuku kon i imang kon ngara in Ḷoḷaigan i Tuhan.