IMAMAT 14:19 - Alkitab Singog In Mongondow Masa In Tanaa

¹⁹ Onda intua ki imang musti moposumba in kuruban potobut kon dosa sinbá intau inta monajis tatua modarit. Mopaḷut mako kon tua musti in sia moratá kon mahaḷuk sin baḻíon kuruban inta tubáan

IMAMAT 14:19 ပူးပေါင်းရင်းမြစ်များ

IMAMAT 14:12

Ki imang musti mogamá kon ki adí in domba koḷakian inta tobatú tua takin noyoḷomboi monag in liter in ḷana zaitun sin baḻíon kuruban toḻiu in karugian, posumbanea mobaḻí sosumba tonoion kon i Tuhan.

IMAMAT 14:14

Ki imang in musti mogamá kon dugú adí in domba topiḻik bo poḻeponea kon bongoḷan koḷanan, kon ki iná in ḻimanea koḷanan bo kon ki iná in sioḷnea koḷanan in intau inta pinoniatadon kon nodarit tatua.

IMAMAT 15:15

Ki imang musti moposumba in ḷagapan tobatú mobaḻí kuruban potobut kon dosa, bo inta tobatú in baḻíon kuruban tubáan. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 5:1

Kuruban pongampung kon dosa tua in paraḷu posumba kon dodai in kaadaan tanaa: Aka intau tobatú pinoigum mobogoi in katarangan kon bonu in pongadilan, táe diá nobogoi in katarangan soaḷ onu inta ain inontong ande inta dinongognea nodapot in sia musti motarima kon akibatnea.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.