IMAMAT 14:13 - Alkitab Singog In Mongondow Masa In Tanaa

¹³ Ki adí in domba tatua musti ratáannea kon tampat inta ain sinantú poratáan kon mahaḷuk inta pakéon pokuruban potobut kon dosa bo kuruban inta tubáan. Domba tatua musti ratáan kon tua sin kuruban toḻiu in karugian bo kuruban potobut kon dosa tua in totokbí in motusi bo nobaḻí silai i imang.

IMAMAT 14:13 ပူးပေါင်းရင်းမြစ်များ

IḶUAIAN 29:11

Ratádon in sapi koḷakian tatua kon tayowon-Ku kon ngara in Ḷoḷaigan.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

IMAMAT 1:11

Intau tatua musti moratá kon biag tatua kon dotá in utuan mezbah, bo imang mita musti mopobutak in dugúnea kon sí opat in mezbah tatua.

IMAMAT 1:5

Onda intua sapi tatua musti ratáan kon tayowon ngara in Ḷoḷaigan. Dugúnea musti posumba in imang mita inta buí i Harun kon i Tuhan, bodongka popobutak kon sí mita in mezbah inta opat tatua kon tayowon ngara in Ḷoḷaigan.

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 2:10

Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 4:24

Sia in musti mopotudu in ḻimanea kon uḷu in mahaḷuk tatua, bodongka ratáan kon dotá in utuan mezbah, tampat pororataan kon kuruban inta tubáan.

IMAMAT 4:4

Sapi tatua musti diaannea kon ngara in Ḷoḷaigan i Tuhan. Imang moḷoben musti mopotudu in ḻimanea kon mahaḷuk tatua, bodongka ratáannea kon tayowon in Ḷoḷaigan.

IMAMAT 7:2

Mahaḷuk inta pakéon kon kuruban tatua musti ratáan kon tampat pororataan kon mahaḷuk inta baḻíon kuruban tubáan, bo dugúnea in popobutak kon sí opat in mezbah.