IMAMAT 14:12 - Alkitab Singog In Mongondow Masa In Tanaa

¹² Ki imang musti mogamá kon ki adí in domba koḷakian inta tobatú tua takin noyoḷomboi monag in liter in ḷana zaitun sin baḻíon kuruban toḻiu in karugian, posumbanea mobaḻí sosumba tonoion kon i Tuhan.

IMAMAT 14:12 ပူးပေါင်းရင်းမြစ်များ

IḶUAIAN 29:22

Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

IḶUAIAN 29:24

Pokikadaidon in bayongan kaanon mita tatua kon i Harun bo kon i adínea mita bo pokidiadon kon i monia mamangoi kon i-Nakó mobaḻí sosumba inta pinotamad.

IḶUAIAN 29:26

Gamádon dodob in domba koḷakian tatua bo posumbadon mobaḻí sosumba inta potamad kon i-Nakó. Bo tuata in silaimu.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

IMAMAT 14:10

Kon singgai noginwaḷu intau tatua musti modia kon ki adí in domba koḷakian doyowa bo ki adí in domba kobaayan tobatú inta umurdon totaong inta totok in mopia. Koḻikud intua doman topong toḷu nokilo inta ain binauian in ḷana zaitun noyoḷomboi monag in liter.

IMAMAT 14:11

Bo sia musti diaan i imang takin sosumbanea tatua pobayá in tayowon ngara in Ḷoḷaigan i Tuhan.

IMAMAT 14:19

Onda intua ki imang musti moposumba in kuruban potobut kon dosa sinbá intau inta monajis tatua modarit. Mopaḷut mako kon tua musti in sia moratá kon mahaḷuk sin baḻíon kuruban inta tubáan

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.