IMAMAT 13:6 - Alkitab Singog In Mongondow Masa In Tanaa

⁶ Kon singgai noginpitu ki imang musti monaridi bui, bo aka panyaki tatua nopopatdon bo diábí iḷumekep, dá musti potaau i imang kon intau tatua in nodaritbí. Tua in panyaki kuḻitbí inta diá mokobahaya. Intau tatua musti momatá kon pakeangnea bo mobaḻídon modarit in sia.

IMAMAT 13:6 ပူးပေါင်းရင်းမြစ်များ

DATU MITA IMITÁNEA 8:38

igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa,

DATU MITA IMITÁNEA 8:45

igumon mako kon soroga in Iko mokidongogdon kon sambayang monia tatua, bo mopountung kon i monia.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

YESAYA 42:3

Aog inta noikoḷungdon diábí putoḷannea, togá inta nokuyoyowdon diábí piongannea. Takin satia in sia in moponiata kon inta totuu,

IMAMAT 11:40

Intau inta nodia ande nokaan kon tapú in mahaḷuk inta minatoi tatua mustibí momatá kon pakeangnea, táe sia in umuranbí nonajis modapot kon mata in singgai tumoyop.

IMAMAT 13:2

Aka intau bo kobiagan inta mobobentuḷ mita takin bobagá mita ande oḷaap mita kon kuḻitnea inta mobaḻí panyaki kon kuḻit inta mokobahaya, dá sia in mustibí diaan kon imang buí i Harun.

IMAMAT 13:5

Kon singgai noginpitu, sia musti taridion buí i imang. Bo aka sinaridinea mako bo panyaki tatua umuranpabí tongá natua bo diábí iḷumekep magí mako, yo intau tatua in buipa doman potontaní kon bonu in pitu nosinggai.

IMAMAT 13:7

Táe naonda in imang mopaḷut mako noguman kon sia in nodaritbí bo noniata magí panyaki tatua iḷukepdon, dá sia in mustibí bui mayá kon i imang.

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

SURAT I PAULUS KON JAMAAT RUM 14:1

Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

ULANGAN 32:5

Táe moiko in bangusa inta diá motoindudui, bo diádon patus mobaḻí umat-Nea, bangusa inta nopuḻing in aid motombogá bo dosa.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.