IMAMAT 13:45 - Alkitab Singog In Mongondow Masa In Tanaa

⁴⁵ Intau tobatú inta kinotugatan in panyaki kuḻit inta mokobahaya, musti mogiḷambung in ḷambung inta mobera-berak bo pomayáneadon mako in buoknea mobuyum-buyun. Sia musti mogoḻingoi kon pogotnea bo momaḷú: “Najis! Najis!”

IMAMAT 13:45 ပူးပေါင်းရင်းမြစ်များ

KINOBAḺIAN 37:29

Naonda in ki Ruben minayádon bui in parigí tatua bo diádon inontongnea in ki Yusup kon tua, binerakneadon in ḷambungnea, sin norobonoḷ in ginanea.

SAMUEL 2 13:19

Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

DATU MITA 2 7:3

Kon singgai tatua opat in intau inta kinotugatan in takit in kuḻit inta mokoondok sinimindog mako kon bonawang in Samaria. Nosigumanan in mosia, “Onu in mangaḻenea ḻitúan mako naton kon naa mogoḷat kon matoi?

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MAZMUR 51:3

Kotabipa kaasí in akuoi o Allah, sin Iko in umuranbí oyúon in tabi, popataidon in dosaku sin moḷoben in tabi-Mu.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

YEHEZKIEL 24:17

Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

YEHEZKIEL 24:22

Bo moiko in momia kon ná inta inaidanku tanaa. Moiko in diábí mogoḻingoi kon pogotmu andeka mokaan kon kaanon in mobobaḷu.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

IMAMAT 13:44

dá musti poniata i imang kon nonajis in sia sin kino tugatan in panyaki kuḻit inta mokobahaya kon uḷunea tatua.

IMAMAT 21:10

Imang Moḷoben ain binaḻí imang takin binutakan in ḷana upacara kon uḷunea bo iḷutudan in pakeang imang moḷoben in sia. Tuamai sia in diá bidon motaau mopomayá mako in buoknea mokitu ande momerak kon ḷambungnea mobaḻí tanda kinopatoian.

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

PINOGIAPAN 5:2

“Potaau in parenta tanaa kon intau Israel: Bayongan in intau kinotugatan in takit in kuḻit inta mokobahaya, andeka takit kon dodiaan, andeka inta ain noḻiai kon intau minatoi, musti poḷuaion kon pinononḷoḷaigan intau in Israel.

LUKAS 17:12

Wakutu in Sia sinumuotdon kon tobatú ḻipú, Sia inangoi in intau taya mopuḷú inta pinanyaki kuḻit inta mokorongó. Mosia in tongábí sinimindog mako nongkon moyayú

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”