IMAMAT 13:4 - Alkitab Singog In Mongondow Masa In Tanaa

⁴ Táe aka inta kon kuḻitnea tatua tongábí oḷaap bo kuḻitnea in diábí notongkuriong, bo poyuntungnea in diá doman nobaḷui nobudó, dá intau tatua in tongápa potontanímai mako kon bonu in pitu nosinggai.

IMAMAT 13:4 ပူးပေါင်းရင်းမြစ်များ

YEHEZKIEL 44:10

Ki Tuhan in noguman kon inakó, “Akuoi in mohukumbí kon intau mita in Lewi inta noyotakin in intau mita in Israel ibanea, inta ain nonaḷámai kon i-Nakó bo nosumba kon berhala.

IMAMAT 13:11

dá intau tatua kinotugatandon in panyaki inta mokobahaya. Ki imang musti moponiata kon intau tatua in nonajis. Diáka bidon mopoyayú kon inia, sin nosilangdon kon sia tua in nonajis.

IMAMAT 13:25

dá ki imang musti monaridi kon tua. Aka poyuntung inta kon kekeb tatua nobaḷuidon nobudó bo kekebnea nokuriongdon, dá panyaki inta mokobahaya tatua noidakitdon kon kekeb inta noḷontup tatua, dá ki imang musti moponiata kon intau tatua nonajis.

IMAMAT 13:26

Táe aka poyuntung kon kuḻit tatua diá nobaḻí nobudó bo diá doman nokuriong, tongábí noḻin guod in batangannea, dá intau tatua musti potontaní kon bonu in pitu nosinggai.

IMAMAT 13:3

Musti taridion i imang tatua in panyaki intau tatua. Aka poyuntung kon diug in panyaki tatua mobaḻí mobudó, bo inta monakit tatua koontongan notongkuriong monag, dá intau tatua kino tugatandon in panyaki kuḻit inta mokobahaya. Dá musti poguman i imang kon intau tatua in nonajis.

IMAMAT 13:31

Aka naonda in pinirikisa mako i imang bo kuḻit inta monakit tatua diá nokuriong, táe diá in buok ande kumi inta nosehat kon kuḻit tatua, dá intau tatua musti popotontanípa kon bonu in pitu nosinggai.

IMAMAT 13:5

Kon singgai noginpitu, sia musti taridion buí i imang. Bo aka sinaridinea mako bo panyaki tatua umuranpabí tongá natua bo diábí iḷumekep magí mako, yo intau tatua in buipa doman potontaní kon bonu in pitu nosinggai.

IMAMAT 13:50

Ki imang musti monaridi kon barang tatua, bo potontanínea kon bonu in pitu nosinggai.

IMAMAT 14:38

ki imang musti monaḷámai kon baḷoi tatua bo kunsíannea pitu nosinggai in koonggotnea.

PINOGIAPAN 12:14

Ki Tuhan notubag, “Aka pogotnea bo dinuyáan i amánea, yo sia tua in mustibí mobaba kon oyá kon bonu in pitu nosinggai? Posídon in sia nongkon pinononḷoḷaigan pitu nosinggai in koonggotnea, bain tua bo motaau in sia tumuot bui.”

PINOGIAPAN 12:15

Bo ki Miryam pinoḷuaidon kon pinononḷoḷaigan pitu nosinggai in koonggotnea, bo bangusa tatua diápabí nomamping nodapot in ki Miryam inogoidon sinumuot bui kon pinononḷoḷaigan.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

ULANGAN 13:14

Aka kodongogandon in ouman mita natua, yo taridiai kopira. Aka aid moraat tatua totu-totuudon nobaḻí,

TIMOTIUS 1 5:24

Dosa in tongonumai intau, wakutu in diápa sidangon koontongan bidon motarang. Táe dosa in intau ibanea bain koontongan aka mopaḷutdon sidangon.