IMAMAT 13:3 - Alkitab Singog In Mongondow Masa In Tanaa

³ Musti taridion i imang tatua in panyaki intau tatua. Aka poyuntung kon diug in panyaki tatua mobaḻí mobudó, bo inta monakit tatua koontongan notongkuriong monag, dá intau tatua kino tugatandon in panyaki kuḻit inta mokobahaya. Dá musti poguman i imang kon intau tatua in nonajis.

IMAMAT 13:3 ပူးပေါင်းရင်းမြစ်များ

KINOBAḺIAN 13:3

Dá minayádon in sia nongkon tampat tobatú nopobayá in tampat ibanea, nopobayá in Betel. Sia nodapot bui in butá inta kon sigad in Betel bo Ai, kon tampat mokaramat inta koḻipod pinomiaannea kon ḷoḷaigan

YEHEZKIEL 16:30

Ki Tuhan Inta Totok in moḷantud noguman, “Tua mita inaidanmudon naonda bo sundaḷ inta diá kotoguoyá.

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

HOSEA 7:9

Mosia in diábí nonotaau kon popisíbí in yopakat takin bangusa mita tatuata, dá noinggamádon in ropot monia. Imbuit in ouman monia in nodiugdon, táe diábí kinotaauan monia.

IMAMAT 10:10

Moiko in mustibí motaau mopoyoposi kon inta sinantú kon i Allah bo inta diá sinantú, inta nonajis bo inta diá nonajis.

IMAMAT 13:10

Aka podudui in hasil pinonaridian i imang bo kon kuḻit intau tatua oyúon in bobagá inta nonomata bo poyuntung kon kuḻitnea tatua nobaḻídon nobudó,

IMAMAT 13:2

Aka intau bo kobiagan inta mobobentuḷ mita takin bobagá mita ande oḷaap mita kon kuḻitnea inta mobaḻí panyaki kon kuḻit inta mokobahaya, dá sia in mustibí diaan kon imang buí i Harun.

IMAMAT 13:20

sin mokitaridi. Aka oḷaap mita tatua nokuriong bo poyuntung inta kon kuḻit tatua nobaḻídon doman nobudó, dá musti poniata i imang tatua kon intau tatua in nonajis. Bituḷ tatua in pinomangkoian panyaki kuḻit inta mokobahaya.

IMAMAT 13:4

Táe aka inta kon kuḻitnea tatua tongábí oḷaap bo kuḻitnea in diábí notongkuriong, bo poyuntungnea in diá doman nobaḷui nobudó, dá intau tatua in tongápa potontanímai mako kon bonu in pitu nosinggai.

IMAMAT 13:8

Ki imang musti bui monaridi, bo aka panyakinea tatua aindon iḷumekep, dá intau tatua musti poniata kon ain nonajis; sia kino tugatan in panyaki kuḻit inta mokobahaya.

IMAMAT 14:37

sin monaridi kon nonopad tatua. Aka oyúon in tamak mita mongo budó ande noḻin ḷunow ande nosimpuya inta ontongon ná tumonop kon dinding,

IMAMAT 14:54

Tuata in atorang mita soaḷ panyaki kuḻit inta mokobahaya,

IMAMAT 5:3

Aka intau tobatú noitaḷádon takin diá sinuod bo noḻiaidon kon barang monajis inta nongkon intau, táe ḷagidon kinotaauannea kon noitaḷádon in oaidnea tatua.

HAGAI 2:11

Kai-Nia, “Poigumdon kon bontow in tosingogon kon imang mita kon soaḷ tanaa:

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MATIUS 16:19

Iko in pobogoian-Ku kon kokunsi in dodatuan soroga. Onu inta diá ogoimu aidan kon dunia, tua doman in diá ogoi aidan kon soroga. Bo onu inta sinotuumu kon dunia yo tua in totuuon doman kon soroga.”

YOHANES 20:23

Aka moiko in mongampung kon dosa in tobatú intau, yo ampungan doman i Allah in sia. Aka diá ampungan monimu in dosa in tobatú intau, dá diábí doman ampungan i Allah in sia.”

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

SURAT I PAULUS KON JAMAAT RUM 7:7

Aka natua, yo onu in singogon naton? Moraat degá in hukum agama in Yahudi? Tantú diábí! Sin hukumbí tatua in notundú kon inakó soaḷ dosa. Sin diábí kinotaauanku onu in sinangoian Ibog moiḻiu, aka hukum agama diá noguman, “Donaai motamaa.”

TIMOTIUS 1 1:20

Kon sigad monia tua in ki Himeneus bo ki Aleksander. Taya dua tua in pinosarakankudon kon Ibilis, sinbá mosia mobalajardon mogogai in mohojat kon i Allah.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.