IMAMAT 12:5 - Alkitab Singog In Mongondow Masa In Tanaa

⁵ Aka bobay tobatú mopononggadí in adí bobay, dá kon bonu in mopuḷú bo opat nosinggai bobay tatua in nonajispabí, notongkai ná kon wakutu in sia umaan buḷan. Nopaḷut mako kon tua onompa nopuḷú bo onom nosinggai bui bobay tatua umuranpa nonajis sin tantúpa oyúon dugú ḷumuai.

IMAMAT 12:5 ပူးပေါင်းရင်းမြစ်များ

KINOBAḺIAN 3:13

Ki Tuhan Allah in noḻibó kon bobay tatua, “Nongonu sin inaidanmubí intua?” Tubagnea, “Akuoi inuboḷan in uḷag tatua, sahingga in kinaanku bungai in kayu tatua.”

IMAMAT 12:2

kon bangusa Israel. Aka bobay tobatú mopononggadí in adí ḷoḷaki, dá kon bonu in pitu nosinggai bobay tatua in nonajispabí, notongkai ná kon dodai in sia umaan buḷan.

IMAMAT 12:4

Mopaḷut mako kon tua toḷupa nopuḷú bo toḷu nosinggai bobay tatua in nonajispabí sin umuranpa oyúon in dugú ḷumuai. Sia in diábí motaau moḻiai kon barang mita inta pakéon kon ibada bo diá doman motaau tumuot kon Ḷoḷaigan i Tuhan modapot mopaḷut in wakutu pondaritan.

IMAMAT 12:6

Naonda in wakutu pondaritan mopaḷutdon, pinomayá in sia nopononggadí in adí ḷoḷaki ande adí bobay, bobay tatua musti modia kon sosumbanea kon i imang kon tayowon ngara in Ḷoḷaigan i Tuhan. Sosumba tatua in ná batangan ki adí in domba tobatú inta umurdon totaong sin pomiaan kuruban inta tubáan, bo togapang doman in ḷagapan paḷoma inta baḻíon kuruban potobut kon dosa.