IMAMAT 12:3 - Alkitab Singog In Mongondow Masa In Tanaa

³ Kon singgai noginwaḷu ki adínea in mustidon toiton.

IMAMAT 12:3 ပူးပေါင်းရင်းမြစ်များ

IḶUAIAN 22:30

ná doman tua in sapi bo domba koḷakian inta muna pinogadí. Pomayádon mako in mahaḷuk mita tatua takinpa ki inánea kon bonu in pitu nosinggai koonggotnea, bodongka posarakandon kon i-Nakó kon singgai noginwaḷu.

IMAMAT 12:4

Mopaḷut mako kon tua toḷupa nopuḷú bo toḷu nosinggai bobay tatua in nonajispabí sin umuranpa oyúon in dugú ḷumuai. Sia in diábí motaau moḻiai kon barang mita inta pakéon kon ibada bo diá doman motaau tumuot kon Ḷoḷaigan i Tuhan modapot mopaḷut in wakutu pondaritan.

IMAMAT 15:3

pinomayá inta iḻumuai ande inta diá iḻumuai.

LUKAS 1:59

Wakutu in waḷudon nosinggai in adí mointok tatua, mosia namangoi sin mokisunat in adí tatua, bo ibogon monia in adí tatua tangoian ki Zakharia podudui kon tangoi i amánea,

LUKAS 2:21

Naonda in umurdon waḷu nosinggai, Adí tatua sinunat. Bo sinangoian monia ki Yesus, tangoi inta pinoki ponangoi in malaekat kon i-Nia wakutu in diápa kon bonu in sian i iná-Nea.

OUMAN IN RASUL MITA 15:1

Tongonumai in intau nongkon Yudea in namangoi in Antiokhia bo notundú kon intau mita inta mopirisaya kon i Yesus. Mosia in noguman kon aka mosia bo diá sunaton ná inta pinarenta kon hukum i Musa, yo diábí mosaḷamat.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

GALATIA 3:17

Makusudku nanaa: Dandi i Allah aindon inaidan bo aindon muna pinosah. Tuamai hukum i Musa inta inogoi kon taong 430 noiduduimai, diábí motaau monginggamá kon tua andeka momopat kon dandi i Allah tatua.

GALATIA 5:3

Komintanpa doman in akuoi mobogoi in tompoingat kon intau mita inta moramuji mokisunat, sia in musti mopobayá in bayongan inta pinais kon hukum i Musa!

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:5

Akuoi naa in sinunatbí doman wakutu in umurpa waḷu nosinggai. Akuoi in pinononggadí saḷaku intau in Israel, nongkon suku i Benyamin; akuoi in taakanpabí intau in Ibrani. Bo aka soaḷ kododudui kon hukum mita in agama Yahudi, yo akuoi naa in noigolong kon intau in Parisi.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.