IMAMAT 12:2 - Alkitab Singog In Mongondow Masa In Tanaa

² kon bangusa Israel. Aka bobay tobatú mopononggadí in adí ḷoḷaki, dá kon bonu in pitu nosinggai bobay tatua in nonajispabí, notongkai ná kon dodai in sia umaan buḷan.

IMAMAT 12:2 ပူးပေါင်းရင်းမြစ်များ

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

SAMUEL 2 11:4

Binayá pinoki gamá i Daud in bobay tatua, bo naonda in sia namangoi in komaḻig, ki Daud nosiug takinnea. (Batsyeba bagupabí nogaid kon upacara pinondaritan naonda in nopaḷut inangoinea). Bo nobuidon in sia kon baḷoinea.

AYUB 14:4

Motaau degá in intau baradosa mokopoangoi kon inta motompod?

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

IMAMAT 12:1

Ki Tuhan nobogoi kon i Musa in atorang mita tanaa

IMAMAT 12:5

Aka bobay tobatú mopononggadí in adí bobay, dá kon bonu in mopuḷú bo opat nosinggai bobay tatua in nonajispabí, notongkai ná kon wakutu in sia umaan buḷan. Nopaḷut mako kon tua onompa nopuḷú bo onom nosinggai bui bobay tatua umuranpa nonajis sin tantúpa oyúon dugú ḷumuai.

IMAMAT 15:19

Bobay tobatú inta yogot angoion buḷan, monajisbí kon bonu in pitu nosinggai. Ki inekabí in moḻiai kon inia mobaḻíbí monajis modapot kon mata in singgai tumoyop.

IMAMAT 18:19

Dika siuganmu in tobatú bobay inta inangoinea, sin sia tua in nonajispabí

IMAMAT 5:3

Aka intau tobatú noitaḷádon takin diá sinuod bo noḻiaidon kon barang monajis inta nongkon intau, táe ḷagidon kinotaauannea kon noitaḷádon in oaidnea tatua.

LUKAS 2:22

Bo naonda in notompodon wakutunea pondaritan podudui in hukum i Musa, ki Yesus in dinia monia kon Yerusalem sin posarakan kon i Tuhan.