IMAMAT 11:47 - Alkitab Singog In Mongondow Masa In Tanaa

⁴⁷ Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.

IMAMAT 11:47 ပူးပေါင်းရင်းမြစ်များ

KINOBAḺIAN 7:2

Diaan doman in pitu nogapang nongkon bayongan ḷagapan bo mahaḷuk ibanea inta diá haram, yo onda inta haram tongádon tumongo gapang in torupa. Aidai intua sinbá nongkon bayongan in mahaḷuk oyúon in diá moitakin yopúon bo mosia in buipa doman mobiag bo mobaḻí mobarong kon dunia naa.

YEHEZKIEL 22:26

Imang mita in Israel iḻimimpat kon hukum-Ku mita bo nokokotor kon pakakat mita inta ain sinantú-Ku kon i-Nakó. Diá bidon pinoyoposi monia onda in motaau bo onda in diá motaau. Mosia in diá doman notundú kon rayat mopoyoposi kon onu in modarit bo onda in nonajis podudui in atorang in agama. Mosia in diá bidon mopandungmai kon singgai in Sabat. Aid monia natua in pinoningkuḻebí in bangusa Israel kon i-Nakó.

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

DANIEL 1:8

Pinodoyon kon totuḷung i Allah, ki Daniel in kinoibog bo kinotabi i Aspenas. Ki Daniel in nonantúdon kon doíbí moponajis in awaknea takin mokaan bo monginum kon anggur nongkon komaḻig in datu, tuamai in nopoigum in sia kon i Aspenas sinbá ogoiandon in kaanon ibanea.

IMAMAT 10:10

Moiko in mustibí motaau mopoyoposi kon inta sinantú kon i Allah bo inta diá sinantú, inta nonajis bo inta diá nonajis.

IMAMAT 11:46

Tuata in nobaḻí atorang soaḷ mahaḷuk takin doman ḷagapan, mahaḷuk inta nobiag kon bonu in tubig bo inta maya-mayá mako kon tudu in butá naa.

IMAMAT 12:1

Ki Tuhan nobogoi kon i Musa in atorang mita tanaa

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”