IMAMAT 11:31 - Alkitab Singog In Mongondow Masa In Tanaa

³¹ Ki ine in moḻiai kon mahaḷuk tatua kon wakutu in mahaḷuk tatua kobia-biagpa ande minatoidon yo intau tatua in nonajisdon modapot kon mata in singgai tumoyopdon.

IMAMAT 11:31 ပူးပေါင်းရင်းမြစ်များ

KINOBAḺIAN 1:20

Onda intua ki Allah in noguman, “Koibog-Ku kon bonu in tubig mobiag in moyagi-yagimai in mahaḷuk, bo kon toḷungayá mobarong in ḷagapan inta noḷayu-ḷayugan.”

IMAMAT 11:32

Aka mahaḷuk tatua minatoidon bo moḷabú kon barang tobatú, dá barang tatua mobaḻí monajis. Barangkabí onu in koḷabúannea, pinomayá nongkon kayu, kaeng, kuḻit ande kaeng sosapi, bo pinakékabí pinongonu in barang tatua. Barang tatua in mustibí tagomonpa muna kon bonu in tubig, táe umuranbí doman monajis modapot kon mata in singgai tumoyop.

IMAMAT 11:8

Tapúnea in diábí motaau kaanon bo aka minatoidon yo diábí motaau in kadaian mahaḷuk mita haram tatua.

IMAMAT 14:46

Intau inta sinumuot kon baḷoi tatua kon dodai in iḻingkopan, yo intau tatua nonajisdon nodapot kon mata in singgai tumoyop.

IMAMAT 15:15

Ki imang musti moposumba in ḷagapan tobatú mobaḻí kuruban potobut kon dosa, bo inta tobatú in baḻíon kuruban tubáan. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 16:26

Intau inta momuḻi kon bembé kon i Azazel kon padang gurun musti momatá kon pakeangnea bo moinggú kon dodai in sia diápa mobui kon ḷoḷaigan.

IMAMAT 17:15

Pomuḷoi in intau Israel ande intau ango-angoi inta mokaan kon tapú in mahaḷuk inta minatoi tontaní ande minatoi sin dinomok in mahaḷuk ibanea, yo musti momatá kon pakeangnea poḷat moinggú bo oḷatonnea dapot in mata in singgai tumoyop, bain tua bo sia mobaḻí modarit.

IMAMAT 22:6

Imang tobatú inta ain nobaḻí nonajis popisí in kinotugatan tatua, sia in umuran monajis modapot kon mata in singgai tumoyop. Bo naonda mata in singgai tumoyop sia in diápabí motaau mokaan kon kaanon inta pinosumba kon i Tuhan aka diápa muna moinggú in sia.

PINOGIAPAN 19:7

Onda intua imang musti momatá kon pakeangnea bo poḷat moinggú; tongá sia in umuranpabí doman nonajis modapot kon mata in singgai tumoyop.