IMAMAT 11:24 - Alkitab Singog In Mongondow Masa In Tanaa

^24-28 Intau tobatú mobaḻí monajis modapot in mata in singgai tumoyop aka sia moḻiai kon mahaḷuk tanaa aka matoidon: Mahaḷuk inta kokonukuan, koḻikudbí in konukunea nosilai bo umuran mongongguyom, bo mahaḷuk inta sioḷnea opat bo kokonukuan. Ki ine in modia kon mahaḷuk natua inta ain minatoi, yo intau tatua musti momatá kon pakeangnea, táe sia tua in umuranpabí nonajis modapot kon mata in singgai tumoyop.

IMAMAT 11:24 ပူးပေါင်းရင်းမြစ်များ

YESAYA 22:14

Ki Tuhan Inta Totok in moḷantud bo Inta Totok in mokawasa nokipogontong kon inakó bo noguman, “Totuu, aid monia inta moraat tua in diábí ampungan-Ku modapot in mosia matoi. Akuoi in ki Tuhan, ain nosingog.”

IMAMAT 11:23

Táe bayongan mahaḷuk ibanea inta kokoḻikipan bo inta kumuá in mayá tua in harambí.

IMAMAT 11:31

Ki ine in moḻiai kon mahaḷuk tatua kon wakutu in mahaḷuk tatua kobia-biagpa ande minatoidon yo intau tatua in nonajisdon modapot kon mata in singgai tumoyopdon.

IMAMAT 11:8

Tapúnea in diábí motaau kaanon bo aka minatoidon yo diábí motaau in kadaian mahaḷuk mita haram tatua.

IMAMAT 14:46

Intau inta sinumuot kon baḷoi tatua kon dodai in iḻingkopan, yo intau tatua nonajisdon nodapot kon mata in singgai tumoyop.

IMAMAT 15:10

Ki ineka in moḻiai kon inta ain iḻitúan in intau tatua, mobaḻí doman monajis modapot kon mata in singgai tumoyop. Bayongan intau inta mobingkat kon barang tatua musti momatá kon pakeangnea bo moinggú, bo sia tontaní in monajispabí doman modapot kon mata in singgai tumoyop.

IMAMAT 15:11

Aka intau inta ḷuaian in ḷumoḷayat tatua diá muna monomok bo moḻiai kon intau ibanea, dá intau inta iḻiainea tatua musti momatá kon pakeangnea bo poḷat moinggú, bo sia in monajis modapot kon mata in singgai tumoyop.

IMAMAT 15:15

Ki imang musti moposumba in ḷagapan tobatú mobaḻí kuruban potobut kon dosa, bo inta tobatú in baḻíon kuruban tubáan. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 15:21

Ki ine in moḻiai kon tampat inta ain pinosiugan ande iḻitúan in bobay inta inangoinea tatua, mustibí momatá kon pakeangnea bo moinggú, bo sia monajis modapot kon mata in singgai tumoyop.

IMAMAT 15:27

Ki ine in moḻiai kon tampat tatua mobaḻí doman monajis. Sia musti momatá kon pakeangnea bo moinggú, bo sia in monajispabí modapot mata in singgai tumoyop.

IMAMAT 15:5

Ki ine in moḻiai kon intau oyúon in ḷumoḷayat tatua ande moḻiai kon pinosiugannea, ande ḻimitú kon tampat inta ain iḻitúannea ande dinuyáan in intau tatua, yo musti in sia momatá kon pakeangnea bo moinggú, táe sia monajispabí modapot kon mata in singgai tumoyopdon.

IMAMAT 16:26

Intau inta momuḻi kon bembé kon i Azazel kon padang gurun musti momatá kon pakeangnea bo moinggú kon dodai in sia diápa mobui kon ḷoḷaigan.

IMAMAT 16:28

Intau inta motubá kon tua musti momatá kon pakeangnea bo moinggú kon dodai in sia diápa mobui kon ḷoḷaigan.

IMAMAT 22:4

Intau tobatú nongkon buí i Harun inta kinotugatan in panyaki kuḻit inta mokobahaya, ande panyaki kon dodiaan dapot in oyúon ḷumoḷayat, sia tua in diábí motaau mokaan kon sosumba aka diápa poniata kon nodaritdon. Imang tobatú mobaḻí monajis aka sia moḻiai kon inta monajis sin noḻiai kon intau minatoi. Sia in monajis doman aka buḻenea ḷumuai,

IMAMAT 22:5

ande moḻiai kon mahaḷuk ande intau inta nonajis.

IMAMAT 22:6

Imang tobatú inta ain nobaḻí nonajis popisí in kinotugatan tatua, sia in umuran monajis modapot kon mata in singgai tumoyop. Bo naonda mata in singgai tumoyop sia in diápabí motaau mokaan kon kaanon inta pinosumba kon i Tuhan aka diápa muna moinggú in sia.

IMAMAT 5:2

Aka intau tobatú kotaḷá tongá diábí sinumuod nogaid kon inta monajis, ná batangan noikadaidon kon awak in mahaḷuk inta ain minatoi, táe ḷagidon kinotaauannea kon noitaḷádon in oaidnea tatua.

IMAMAT 7:21

Aka intau tobatú nokaan kon ponoyá inta pinokuruban tatua bo mopaḷut mako kon tua sia moḻiai kon inta monajis, pinomayá kon intau ande inta nongkon mahaḷuk, dá sia doman in diádon poyoiapon anggota in umat i Tuhan.

PINOGIAPAN 19:7

Onda intua imang musti momatá kon pakeangnea bo poḷat moinggú; tongá sia in umuranpabí doman nonajis modapot kon mata in singgai tumoyop.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

KOLOSE 2:20

Moiko ain minatoi noyotakin i Kristus, bo ain pinobebas nongkon roho mita inta nongawasa kon dunia naa. Dá nongonu sin moiko in nobiagbí ná intau inta kinawasaanpa in dunia naa? Nongonu sin moiko in dumuduipabí kon atorang mita ná tanaa:

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.